Shocking: धक्कादायक! नांदेडमध्ये धार्मिक कार्यक्रमात भगर खाल्यामुळे एक हजार जणांना विषबाधा

Food Poisoning Nanded News

नांदेड (Nanded) जिल्ह्यांमधून भाविकांना प्रसादातून विषबाधा झाल्याची धक्कादायक घटना समोर आली आहे. या घटनेमुळं परिसरात चांगलीच खळबळ उडालीय. विषबाधा झाल्याची माहिती मिळताच त्यांना तातडीनं स्थानिक रुग्णालयात दाखल करण्यात आलंय. आपण या घटनेविषयी सविस्तर जाणून घेऊ या.  (Latest Marathi News)

भगर खाल्याने विषबाधा

एका धार्मिक कार्यक्रमात भगर खाल्यामुळे एक हजार जणांना विषबाधा झाली आहे. नांदेड जिल्हयातील लोहा तालु्क्यात ही घटना घडली आहे. लोहा तालुक्यातील कोष्टवाडीमध्ये संत बाळुमामा यांचा पालखी सोहळा (Food Poisoning in Nanded) होता. आरतीचा कार्यक्रम झाल्यानंतर भंडारा होता. काल एकादशी असल्यामुळं भाविकांना भगर हा महाप्रसाद देण्यात आला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

रुग्णांवर उपचार सुरू

भगर (bhagar) खाल्यामुळे अनेकांना उलटी, मळमळ, चकर येणं असा त्रास सूरु झाला. या कार्यक्रमाला सावरगाव, कोष्टवाडी, हरणवाडी, पेंडु, सादलापुर या गावातील नागरिक आले होते. त्यांना देखील विषबाधा (Nanded News) झाली. मिळेल त्या वाहनांनी बाधितांना रुग्णालयात पाठवण्यात आलं. लोहा येथील सरकारी तसच खाजगी रुग्णालयात दाखल करण्यात आलं.

रुग्णाची संख्या अधिक असल्यानं नांदेडच्या शासकीय रुग्णालयात देखील रुग्णांना दाखल करण्यात आले. रुग्णांवर उपचार सुरू असून सर्वांची (devotees Food Poisoning) प्रकृती स्थिर आहे, अशी माहिती जिल्हा शल्य चिकित्सर डॉ. नीलकंठ भोसीकर यांनी दिली आहे. प्रसादातून विषबाधा झाल्यामुळे भाविकांमध्ये काहीसं घाबरटीचं वातावरण होतं. बाधित रूग्णांवर उपचार सुरू आहेत.

परभणीमध्ये देखील भाविकांना विषबाधा

परभणी तालुक्यातील माळसोन्नामध्ये देखील भगर खाल्ल्यामुळे चारशे ते पाचशे जणांना विषबाधा (Food Poisoning) झाल्याची घटना घडली आहे. त्यांच्यावर देखील सोना गावात व परभणीच्या शासकीय रुग्णालयामध्ये उपचार सुरू आहेत. सध्या सगळ्यांची प्रकृती स्थिर असल्याची माहिती मिळाली आहे. बाधित भाविकांवर उपचार सुरू आहेत.

परभणी तालुक्यातील सोना या गावात सप्ताह सुरू आहे. त्यानिमित्ताने सकाळी शाबूदाणा उसळ व केळीचा प्रसाद देण्यात आला होता. तर, रात्री भगर व आमटी करण्यात आली होती. भगर व आमटी खाल्यानंतर (Food Poisoning by bhagar) गावकऱ्यांना मळमळ व उलट्या सुरू झाल्या. गावकऱ्यांनी प्रशासनाला माहिती दिल्यानंतर जिल्हाधिकारी रघुनाथ गावडे यांनी आरोग्य विभागाला सोबत घेत गावात उपचार सुरू केले. तर काहींना जिल्हा रुग्णालयात दाखल करण्यात आलंय. सर्वांची प्रकृती स्थिर असून उपचार सुरू आहेत.