Shocking: बायको समजून अंत्यसंस्कार, ११ व्या दिवशी 'ती' घरी आली; नवरा गोंधळात, नेमकं काय घडलं?

Summary -

• कोल्हापुरात नवऱ्याने पत्नी समजून मृतदेहावर अंत्यसंस्कार केले. पण ११ व्या दिवशी बायको घरी परत आली.

• कृष्णा नदीत सापडलेल्या मृतदेहाची चुकीची ओळख करून अंत्यसंस्कार करण्यात आले.

• महेश ठाणेकर यांच्या पत्नी संजना ठाणेकर बेपत्ता होऊन परत आल्या.

• आता पोलिस अज्ञात महिलेची ओळख पटवण्यासाठी तपास करत आहेत.

रणजित माजगावकर, कोल्हापूर

कोल्हापुरमध्ये भयंकर घटना घडली. बायको समजून एका व्यक्तीने तिच्या मृतदेहावर अंत्यसंस्कार केले. बायको गेल्याच्या दु:खामध्ये ही व्यक्ती होती. अत्यसंस्कारानंतर अचानक ११ व्या दिवशी बायको घरी आली त्यामुळे नवऱ्याला धक्काच बसला. एखाद्या चित्रपटामध्ये घडतं तसाच काहीसा हा प्रकार घडला आहे. कोल्हापुरातील शिरोळ तालुक्यात ही घटना घडली. नदीत सापडलेल्या मृतदेहाची ओळख चुकल्याने हा संपूर्ण प्रकार घडल्याचे सांगितले जात आहे.

मिळालेल्या माहितीनुसार, बायको समजून अंत्यसंस्कार करण्यात आले. पण ११ दिवसांनी बायको पुन्हा दारात आली. त्यामुळे तिच्या नवऱ्याला आनंद तर झालाच पण ज्या महिलेच्या मृतदेहावर त्यांनी अंत्यसंस्कार केले ती नेमकी कोण होती असा प्रश्न त्यांना पडला आहे. कोल्हापुरातल्या शिरोळ तालुक्यातल्या उदगावमध्ये ही अजब घटना घडली. नदीत सापडलेल्या मृतदेहाची ओळख चुकली. तुमच्याच बायकोचा मृतदेह आहे असे त्यांना सांगण्यात आले आणि त्यांनी मृतदेह घरी आणत अंत्यसंस्कार केले. बायको गेल्याच्या दु:खात असताना ती परत आल्यामुळे या व्यक्तीला आनंद झाला.

उदगाव येथे राहणाऱ्या संजना महेश ठाणेकर या १९ जुलै रोजी घरातून अचानक बेपत्ता झाल्या. संजना यांच्या नवऱ्याने जयसिंगपूर पोलिस ठाण्यामध्ये हरवल्याची तक्रार दिली होती. २९ जुलै रोजी मिरज तालुक्यातील निलजी बामणी येथे कृष्णा नदीत एका महिलेचा मृतदेह सापडला. हा मृतदेह संजना यांचा असल्याचे सांगून महेश ठाणेकर यांना तो देण्यात आला. हा मृतदेह आपल्याच बायकोचा असल्याचेही समजून त्यांनी अंत्यसंस्कार केले.

सर्व विधी पार पडल्यानंतर बुधवारी ३० जुलै रोजी अचानक संजना गावात एका बचत गटाचे पैसे देण्यासाठी अवतरल्या. अंत्यसंस्कारानंतर बायकोला दारात पाहून महेश ठाणेकर यांना आनंद झालाच पण त्यांना धक्का देखील बसला. एकीकडे बायकोला जिवंत परतल्याने कुटुंबाला आनंद झाला मात्र ज्या मृतदेवर अंत्यसंस्कार केले ती अज्ञात महिला कोण? या विचारांने सगळ्यांना धक्का बसला. घरगुती कारणावरून आपण तासगाव आणि बारामतीला गेल्याचे संजना यांनी सर्वांना सांगितले.