Shocking : भांडणानंतर रागाच्या भरात बायको घर सोडून गेली, नंतर नवऱ्यानं आई आणि मुलांसह जे केलं ते पाहून सारेच हादरले

Shocking Incident : एका व्यक्तीचे त्याच्या पत्नीसोबत भांडण झाले. भांडणानंतर त्याची पत्नी रागाच्या भरात घर सोडून निघून गेली. त्यानंतर दोन किशोरवयीन मुलं आणि वृद्ध आईसह त्या व्यक्तीने आत्महत्या केल्याची धक्कादायक घटना समोर आली आहे. ही घटना शुक्रवारी (२६ जुलै) रात्री मध्यप्रदेशमधील सागर जिल्ह्यातील खुराई पोलीस स्टेशनच्या हद्दीतील तेहार गावात घडली आहे.

पोलिसांनी दिलेल्या माहितीनुसार, मनोहर लोधी असे आत्महत्या करणाऱ्या व्यक्तीचे नाव आहे. मनोहरची पत्नी वाद झाल्यानंतर घर सोडून निघून गेली. यामुळे तो नाराज होता. दोघांमध्ये फोनवर पुन्हा वाद झाला. त्यानंतर मनोहरने त्याची ७० वर्षीय आई, १८ वर्षीय मुलगी शिवानी आणि १६ वर्षीय मुलगा अंकित यांच्यासह विष प्राशन केल्याची माहिती समोर आली आहे.

हे कुटुंब सागर शहरापासून तब्बल १२ किलोमीटर अंतरावर असलेल्या शेतजमिनीवरील घरात राहत होते. मनोहरची आई आणि मुलगा अंकितचा विष प्राशन केल्याने जागीच मृत्यू झाला. शिवानी आणि मनोहर यांना रुग्णालयात नेण्यात आले, तेव्हा ते दोघेही गंभीर अवस्थेत होते. उपचार सुरु असताना शिवानीचा मृत्यू झाला, तर रुग्णालयात नेताना मनोहरने प्राण सोडले.

मनोहरच्या घरात एक सुसाईड नोट सापडली. ही नोट शिवानी किंवा अंकित या दोघांपैकी एकाने लिहिली असल्याची शक्यता व्यक्त केली जात आहे. सुसाईड नोटमध्ये आत्महत्येला मनोहरची पत्नी कारणीभूत असून तिला मालमत्तेत कोणताही वाटा देऊ नये असे नमूद केले आहे. या नोटमध्ये कर्ज, पैश्यांचे व्यवहार अशा काही गोष्टींचा उल्लेख आहे.