Crime : चारित्र्याच्या संशयावरुन मारहाण, गर्भवती पत्नीचा मृत्यू; कुजलेल्या मृतदेहाजवळ तरुणाचे नको ते कृत्य

Shocking : एका २० वर्षीय तरुणाने त्याच्या २२ वर्षीय पत्नीची हत्या केल्याची धक्कादायक घटना उघडकीस आली आहे. घरातून दुर्गंध आल्याने शेजाऱ्यांनी पोलिसांना संपर्क केला. तपासादरम्यान पोलिसांना २२ वर्षीय तरुणीचा कुजलेला मृतदेह आढळला. मृत तरुणी ही तीन महिन्यांची गर्भवती होती अशी प्राथमिक माहिती समोर आली आहे. ही घटना बंगळुरूमध्ये घडली आहे.

मिळालेल्या माहितीनुसार, उत्तरप्रदेशातील कुशीनगर येथे रंगकाम करणारा शिवम हा सुमन नावाच्या तरुणीसोबत रिलेशनशिपमध्ये होता. पाच वर्षांपासून ते प्रेमसंबंधात होते. सहा महिन्यांपूर्वी पालकांच्या इच्छेविरुद्ध त्यांनी लग्न केले. मागील पाच महिन्यांपासून ते दोघे बंगळुरू शहरामध्ये राहत होते. शिवमवर सुमनची हत्या केल्याचा आरोप आहे.

शेजाऱ्यांच्या तक्रारीनंतर, पोलिसांनी शिवमच्या घरामध्ये तपास केला. तेव्हा त्यांना सुमनचा मृतदेह कुजलेल्या अवस्थेमध्ये आढळला. तिच्या नाकातून रक्तस्त्राव झाला होता. पण तिच्या शरीरावर इतर कोणत्याही जखमा नव्हत्या. पोलिसांनी घरात दारुचे टेट्रा पॅक आणि काही अन्नपदार्थ आढळले. शोधमोहिमेनंतर पोलिसांनी शिवमला अटक केली.

शिवमने पोलिसांनी दिलेल्या माहितीनुसार, शिवम सुमनच्या चारित्र्यावर संशय घ्यायचा. शुल्लक कारणांवरुन दोघांमध्ये भांडणे होत असत. २१ जुलै, सोमवारी रात्री त्यांच्यामध्ये वाद झाला. शिवमने सुमनवर हल्ला केला. नंतर दोघेही वेगवेगळ्या खोल्यांमध्ये झोपले. मंगळवारी (२२ जुलै) सकाळी शिवमने सुमनला उठवण्याचा प्रयत्न केला. पण सुमनने प्रतिसाद न दिल्याने शिवम कामावर निघून गेला. मंगळवारी रात्री तो परतला, दारु पिऊन त्याने जेवण केले. बुधवारी (२३ जुलै) सकाळी शिवमने सुमनला उठवण्याचा प्रयत्न केला. पण तिचा मृत्यू झाल्याचे शिवमला समजले. त्यानंतर तो घरातून पळून गेला. गुरुवारी (२४ जुलै) पोलिसांनी शिवमला अटक केली.