Chhatrapati Shivaji Maharaj: जतला तणावपुर्ण स्थिती; संभाजी भिडेंनी शिवरायांच्या पुतळ्याचे घेतले दर्शन

सांगली : छत्रपती शिवाजी महाराज (Chhatrapati Shivaji Maharaj) यांच्या पुतळ्यावरून सांगली जिल्ह्यातील जत तालुक्यात सध्या तणाव निर्माण झाला आहे. प्रशासनाने जत येथे जमावबंदी आदेश लागू केला. येथील कायदा व सुव्यवस्था बिघडू नये यासाठी मंगळवारी पोलिसांनी शहरात संचलन केले. शिवप्रतिष्ठान हिंदुस्थानचे प्रमुख संभाजी भिडे (sambhaji bhide) यांनी जत (jat taluka) येथे जाऊन शिवरायांच्या पुतळ्याचे दर्शन घेतले.

सांगलीच्या (sangli) जत शहरातील छत्रपती शिवाजी चौकात चबुतरा बसवून त्यावर छत्रपती शिवाजी महाराजांचा (shivaji maharaj) पुतळा बसण्यावरून तणाव निर्माण झाला आहे. लोकवर्गणीतून १६ लाखाहून अधिक रुपये खर्चून तयार केलेला छत्रपतींचा अश्वारूढ पुतळा बसण्यावरून हा वाद निर्माण झाला आहे. जिल्हाधिकाऱ्यांनी पुतळा बसविण्यासाठी आवश्यक परवानगी घेतल्याशिवाय हा पुतळा चबुतरावर उभा करता येणार नाही असा निर्णय दिला आहे.

छत्रपती शिवरायांच्या जयंतीच्या दरम्यान कोणताही अनुचित प्रकार होऊ नये म्हणून शहरात मोठा पोलिस बंदोबस्त तैनात करण्यात आहे. या बराेबरच शहरात जमावबंदी आदेश लागू केला आहे.

Edited By : Siddharth Latkar