पश्चिम बंगाल : विराट कोहलीला (Virat Kohli) स्थिती कशी हाताळायची हे चांगलंच माहित आहे. तुम्ही शांत बसलात तर सर्व काही ठीक होईल अशी टिप्पणी माध्यमांवर करीत कर्णधार राेहित शर्माने (Rohit Sharma) आज (मंगळवार) झालेल्या व्हर्च्युअल पत्रकार परिषदेत विराट काेहलीची (Virat Kohli) बाजू भक्कमपणे मांडत त्याच्या पाठीशी असल्याचं दाखवून दिले. (rohit sharma latest marathi news)
भारत (india) आणि वेस्ट इंडीज (west indies) यांच्यात बुधवारपासून तीन T20 सामने होणार आहेत. त्यापार्श्वभुमीवर आज झालेल्या पत्रकार परिषदेत राेहित शर्मा यास विराटच्या कामगिरीबाबत छेडले असता ताे म्हणाला "मला वाटतं, तुम्‍हांपासून (मीडिया) सुरुवात करुया. तुम्ही जर काही वेळ शांत बसू शकलात, तर विराट कोहली बरा होईल आणि सर्व गोष्टींची काळजी घेतली जाईल. तो मानसिक दृष्टया सक्षम आहे. एक दशकाहून अधिक काळ आंतरराष्ट्रीय क्रिकेटमध्ये (cricket) खेळणा-या प्रत्येक खेळाडूस परिस्थिती हाताळणे माहित असते. त्यामुळे तुम्ही थोडा वेळ शांत राहू शकलात तर सर्वकाही ठीक हाेईल असं रोहितने नमूद केले.
दरम्यान सोमवारी, बीसीसीआयने वॉशिंग्टन सुंदरला डाव्या हाताच्या स्नायूंच्या ताणामुळे T20I मालिकेतून वगळले आहे. त्याच्या जागी कुलदीप यादवला संघात स्थान देण्यात आलं आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.