Sambhajinagar Accident: साईबाबांच्या दर्शनाची इच्छा अपूर्ण राहिली! शिर्डीला पोहचण्यापूर्वीच काळाचा घाला, 3 भाविकांचा मृत्यू

Sambhajinagar jeep-tractor collision: साईबाबांच्या दर्शनासाठी शिर्डीला जात असताना भीषण अपघात झाला. ट्रॅक्टरला जीपने धडक दिली. या अपघातामध्ये ३ जणांचा मृत्यू झाला.
Sambhajinagar Accident: साईबाबांच्या दर्शनाची इच्छा अपूर्ण राहिली! शिर्डीला पोहचण्यापूर्वीच काळाचा घाला, 3 भाविकांचा मृत्यू
Sambhajinagar AccidentSaam tv
Published On

माधव सावरगावे, संभाजीनगर

छत्रपती संभाजीनगरमध्ये भीषण अपघाताची घटना घडली आहे. जीपने ट्रॅक्टरला पाठीमागून जोरदार धडक दिली. या भीषण अपघातामध्ये ३ भाविकांचा जागीच मृत्यू झाला तर १२ जण जखमी झालेत. साईबाबांच्या दर्शनासाठी शिर्डीला जात असताना हा अपघात झाला. जखमी झालेल्या भाविकांना उपचारासाठी रुग्णालयामध्ये दाखल करण्यात आले आहे. संभाजीनगर पोलिसांकडून अपघाताचा तपास सुरू आहे.

मिळालेल्या माहितीनुसार, ऊस घेऊन जाणाऱ्या ट्रॅक्टर ट्रॉलीला जीप धडकून झालेल्या भीषण अपघातात ३ जणांचा मृत्यू झाला. तर १२ जण जखमी झाले आहे. अपघाताची ही घटना गंगापूर-वैजापूर मार्गावर शिल्लेगाव पोलिस ठाण्याच्या हद्दीत तांबूलगोटा फाटा येथे रात्रीच्या सुमारास घडली. अपघातामध्ये जखमी झालेले आणि मृत्यू झालेले सर्वजण हैदराबाद येथील आहेत. हे सर्वजण देवदर्शनासाठी महाराष्ट्रात आले होते.

Sambhajinagar Accident: साईबाबांच्या दर्शनाची इच्छा अपूर्ण राहिली! शिर्डीला पोहचण्यापूर्वीच काळाचा घाला, 3 भाविकांचा मृत्यू
Shahapur Accident : भीषण अपघाताने राजा-राणीचा सुखाचा संसार उद्ध्वस्त; ५ वर्षाची चिमुकली पोरकी, हृदय हेलावणारी घटना

या भीषण अपघातामध्ये वैद्विक ऊर्फ नंदन श्यामशेट्टी (६ महिने), अक्षिता गडकुनुरी (२१ वर्षे) आणि प्रेमलता श्यामशेट्टी (५८ वर्षे) या तिघांचा दुर्दैवी मृत्यू झाला. तर १२ जण जखमी झाले आहे. जखमींमधील अनेकांची प्रकृती गंभीर आहे. जखमींवर नजीकच्या रुग्णालयामध्ये उपचार सुरू आहेत. हैदराबाद येथील १४ भाविक मंगळवारी महाराष्ट्रात देवदर्शनासाठी आले होते.

Sambhajinagar Accident: साईबाबांच्या दर्शनाची इच्छा अपूर्ण राहिली! शिर्डीला पोहचण्यापूर्वीच काळाचा घाला, 3 भाविकांचा मृत्यू
Ahilyanagar Accident: भीषण अपघात; नियंत्रण सुटलं अन् कार थेट पडली विहिरीत, ४ तरुणांचा मृत्यू

हे सर्वजण छत्रपती संभाजीनगर येथे आले होते. बुधवारी सकाळी जीपमधून वेरूळ लेण्या पाहून आणि घृष्णेश्वराचे दर्शन घेऊन ते गंगापूरमार्गे शिर्डीला जात होते. शिर्डीला जात असताना रात्री १० वाजताच्या सुमारास तांबूळगोटा फाटा येथे महालगावकडे ऊस घेऊन जाणाऱ्या ट्रॅक्टरच्या ट्रॉलीला या भाविकांच्या जीपने पाठीमागून धडक दिली. हा अपघात एवढा भीषण होता की कारचा चक्काचूर झाला.

Sambhajinagar Accident: साईबाबांच्या दर्शनाची इच्छा अपूर्ण राहिली! शिर्डीला पोहचण्यापूर्वीच काळाचा घाला, 3 भाविकांचा मृत्यू
Accident : मुंबई नाशिक महामार्गावर ५ वाहनांचा विचित्र अपघात, ३ जणांचा मृत्यू, १४ जखमी

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com