ATM Crime: एटीएम फोडून अकरा लाख लांबविले; घटना सीसीटिव्ही कॅमेऱ्यात कैद

सचिन बनसोडे 

शिर्डी (अहमदनगर) : पहाटेच्याच सुमारास चोरट्यांनी एटीएमवर डल्ला टाकल्याची घटना समोर आली आहे. (ATM Crime) चोरट्यांनी इंडियन ओव्हरसीज बँकेचे एटीएम फोडून यातून तब्बल अकरा लाख रुपये लांबवल्याची घटना कोपरगाव (Kopargaon News) तालुक्यातील पोहेगाव याठिकाणी घडली आहे. (Maharashtra News)

कोपरगाव तालुक्यातील पोहेगाव येथे इंडियन ओव्हरसीस बँकेचे एटीएम मशीन लावण्यात आले आहे. १९ डिसेंबरला पहाटेच्या सुमारास चोरट्यांनी एटीएम मशीन कटरच्या सहाय्याने तोडून यात असलेली ११ लाख रुपयांची रक्कम लांबवली. दरम्यान संगमनेर तालुक्यातील तळेगाव येथेही त्याच रात्री बँकेचे एटीएम फोडून चार लाख रुपयांची रोकड लंपास करण्यात आली आहे. या दोन्ही एटीएम फोडीमागे एकच टोळी असण्याची शक्यता असून (Police) पोलिस पुढील तपास करत आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सीसीटीव्ही फुटेजवरून चोरट्यांचा शोध सुरु 

पहाटे घडलेल्याची ही घटना येथे लावण्यात आलेल्या सीसीटिव्ही कॅमेरामध्ये कैद झाली आहे. हे सीसीटीव्ही फुटेज समोर आले असून अज्ञात चोरट्यांविरोधात शिर्डी पोलिस ठाण्यात गुन्हा दाखल करण्यात आला आहे. फेटेजद्वारा पोलिसांकडून चोरट्यांचा शोध सुरु आहे.