Santosh Deshmukh Case : घुलेच्या मोबाईलने वाढवलं आकाचं टेन्शन, मोबाईल चढवणार आकाला फासावर? स्पेशल रिपोर्ट

भरत मोहळकर, साम टीव्ही, प्रतिनिधी

Santosh Deshmukh Case : सरपंच हत्या प्रकरणाला 2 महिने उलटून गेले आहेत.. या प्रकरणात वाल्मिक कराडबाबत दररोज नवनवे खुलासे समोर येत आहेत. त्यातच आता या प्रकरणात नवा ट्विस्ट आलाय...सरपंच संतोष देशमुखांच्या हत्येचा व्हिडीओ काढणाऱ्या सुदर्शन घुलेच्या मोबाईलचा डेटा सीआयडीने रिकव्हर केल्याची माहिती समोर आलीय. तर विष्णू चाटेच्या गायब असलेल्या मोबाईलमधील डेटाही रिकव्हर करण्यात सीआयडीला यश मिळाल्याची माहिती सीआयडीने धनंजय देशमुखांना दिलीय.

9 डिसेंबर 2024 ला मस्साजोगचे सरपंच संतोष देशमुखांची निघृण हत्या करण्यात आली. त्यानंतर प्रतिक घुले, जयराम चाटे, महेश केदार आणि विष्णू चाटेला अटक करण्यात आली होती.. तर सुदर्शन घुले, सुधीर सांगळे, वाल्मिक कराड हे आरोपी पोलीसांना गुंगारा देत होते.

पोलिसांनी सांगळे आणि घुलेला अटक केल्यानंतर कराडनेही शरणागती पत्करली. मात्र विष्णू चाटेने मोबाईल गायब केल्याने तपासात अडचणी निर्माण झाल्या होत्या. मात्र आता मुख्य आरोपी सुदर्शन घुलेचा मोबाईलमधील डेटा सीआयडीने रिकव्हर केल्याने थेट वाल्मिक कराडचे धाबे दणाणले आहेत. कारण सुदर्शन घुले हा वाल्मिक कराडच्या टोळीचा असल्याचं सीसीटीव्हीतून समोर आलंय. त्यामुळे आता घुले आणि चाटेच्या मोबाईलचा डेटा रिकव्हर करण्यात आल्याने आकासह त्याच्या आकाचंही टेंशन वाढणार एवढं नक्की.