Sambhaji Bhide : दांडियामुळे हिंदू समाज गां*** बनत चाललाय; संभाजी भिडे पुन्हा बरळले

शिवप्रतिष्ठानचे संस्थापक संभाजी भिडे हे नेहमी कोणत्या ना कोणत्या कारणामुळे चर्चेत असता. अनेकदा वादग्रस्त विधानांमुळे त्यांच्यावर मोठी टीकेची झोड उठते. काही महिन्यांपूर्वी भिडे यांनी महिलांच्या कपड्यांबाबत आक्षेपार्ह विधान केलं होतं.आता नवरात्रीच्या उत्सवाबाबत बोलताना भिडे यांनी एक वादग्रस्त विधान केलं आहे. नवरात्र उत्सवातील दांडिया हिंदू समाजाला गां*** बनवत चालला आहे. हे सर्व नाही चालणार नवरात्राचा बट्ट्याबोळ आम्ही होऊ देणार नाही, असं भिडे यांनी म्हटलं आहे.

संभाजी भिडे (Sambhaji Bhide) गुरुवारी (ता.३) एका कार्यक्रमानिमित्त सांगलीत आले होते. यावेळी त्यांनी माध्यमांसोबत संवाद साधला. भिडे म्हणाले, "गणपती उत्सव, नवरात्र उत्सव हे आता इव्हेंट झाले असून ते हिंदू समाजाला गां*** बनवत आहेत. राजकारण, सत्ताकारण, अर्थकारण शुद्र आहे. हे थुंकण्याच्या लायकीचे विषय आहेत".

"छत्रपती शिवाजी महाराज यांनी हिंदू समाजाला जगाचा बाप व्हायचा मार्ग शिकवला आहे. पण गणपती उत्सवाचा चोथा झाला आहे. नवरात्र उत्सवात दांडियाने हिंदू समाज गां*** बनवत चालला आहे. यापुढे हे सर्व नाही चालणार नाही. आम्ही नवरात्री उत्सवाचा (Navratri utsav 2024) बट्ट्याबोळ अजिबात होऊ देणार नाही. काही माता-भगिनी यांनी यापुढे स्वतंत्र दुर्गामाता दौड काढावी", असं आवाहन भिडेंनी केलं.

पुढे बोलताना भिडे म्हणाले, "नवरात्री उत्सवात सध्या करमणुकीचे कार्यक्रम सुरु आहे. हे सर्व नाश करीत चालले आहेत. आम्ही नवरात्रात होणारा बट्ट्याबोळ हाणून पाडू. आतापर्यंत ७६ राष्ट्रांनी आपल्यावर आक्रमण केली. अजूनही ते आपला पाठलाग करीत आहेत. दुर्दैवाने आपण पाय लावून पळत आहोत".

हिंदी चिनी भाई-भाई म्हणणारा पंतप्रधान आपल्याला दुर्दैवाने मिळाला होता, असं म्हणत भिडेंनी दिवंगत नेते आणि माजी पंतप्रधान पंडित जवाहरलाल नेहरू यांच्यावर टीका केली. हिंदू मुस्लिम भाई भाई, हिंदूना शत्रू कोण, वैरी, वाईट कोण चांगलं कोण हे कळत नाही. महामूर्ख जमात म्हणजे हिंदू जात असल्याचं विधानही भिडे यांनी केलं. शिवाजी महाराजांच्या विचारांचा आपल्याला भारत करण्यासाठी प्रयत्न केले पाहिजेत, असंही भिडे म्हणाले.