VIDEO: बैल नसल्यानं मुलांना जुंपलं, हिंगोलीतील 'त्या' शेतकऱ्याला दिली बैलजोडी; 'साम' टीव्हीच्या वृत्ताची कृषिमंत्र्यांकडून दखल

Latest Hingoli News in Marathi: साम टीव्हीने दाखवलेल्या बातमीची कृषिमंत्री धनंजय मुंडे यांनी दखल घेतली आहे. हिंगोलीत बालाजी पुंडगे या शेतकऱ्याने बैल नाही म्हणून मुलाला जुंपलं होतं. याचीच बातमी साम टीव्हीने दाखवल्यानंतर कृषिमंत्र्यांनी याची दखल घेत या शेतकऱ्याला बैलजोडी दिली आहे.
बैल नसल्यानं मुलांना जुंपलं, हिंगोलीतील 'त्या' शेतकऱ्याला दिली बैलजोडी; 'साम' टीव्हीच्या वृत्ताची कृषिमंत्र्यांकडून दखल
Hingoli NewsSaam Tv

रुपाली बडवे, साम टीव्ही, प्रतिनिधी

शेतात हळद लावण्यापूर्वी कोळपे वापरून सरी काढण्यासाठी आपल्याकडे बैल जोडी नाही, म्हणून भावाला व आपल्या मुलाला कोळप्याला जुंपणाऱ्या हिंगोली जिल्ह्यातील शेतकरी बालाजी पुंडगे यांना आज त्यांच्या बांधावर कृषी मंत्री धनंजय मुंडे यांनी बैल जोडी भेट पाठवली आहे.

हिंगोली जिल्ह्यातील वसमत तालुक्याच्या शिरळे गावातील बालाजी पुंडगे या शेतकऱ्याला दोन एकर शेती आहे. पण दोन एकर शेतीसाठी बैल जोडी घेणे परवडत नाही. तसेच ऐन वेळेला कोणी बैल देत नाही, म्हणून पावसाच्या भीतीने हळद लावण्यापूर्वी घाई गडबडीत सरी काढण्यासाठी शेतकऱ्याने स्वतःच्या भावाला व मुलाला चक्क कोळप्याला जुंपले होते. ही घटना दोन दिवसांपूर्वी घडली होती. या शेतकऱ्याला मदत करण्याच्या संदर्भात साम टीव्ही या वृत्तवाहिनीने वृत्त प्रदर्शित केले होते.

बैल नसल्यानं मुलांना जुंपलं, हिंगोलीतील 'त्या' शेतकऱ्याला दिली बैलजोडी; 'साम' टीव्हीच्या वृत्ताची कृषिमंत्र्यांकडून दखल
Nitish Kumar : देशात मोठी राजकीय घडामोड होणार, इंडिया आघाडीत नितीश कुमार यांची वापसी होणार? RJDच्या बड्या नेत्याचा दावा

या वृत्ताची दखल घेत धनंजय मुंडे यांनी कृषी विभागाचे अधिकारी व हिंगोली जिल्ह्यातील आपले सहकारी यांच्या मदतीने या शेतकऱ्याच्या संदर्भातील संपूर्ण माहिती जाणून घेतली. त्यानंतर आज धनंजय मुंडे यांच्या वतीने राष्ट्रवादी काँग्रेस पक्षाचे हिंगोली जिल्ह्याचे अध्यक्ष बी.डी. बांगर हे थेट बैलजोडी घेऊन बालाजी पुंडगे यांच्या शेतात पोहोचले. पुंडगे परिवाराच्या आनंदाला यावेळी सीमा उरली नव्हती.

दरम्यान, धनंजय मुंडे यांनी बालाजी पुंडगे यांच्याशी दूरध्वनीवरून संवादही साधला, यावेळी धनंजय मुंडे यांनी आपण बैल जोडी पाठवत असून शेतातील कामांसाठी आपण कृषी विभागाकडे संबंधित योजनेतून ट्रॅक्टर साठी देखील अर्ज करावा, असे बालाजी पुंडगे यांना म्हटले.

बैल नसल्यानं मुलांना जुंपलं, हिंगोलीतील 'त्या' शेतकऱ्याला दिली बैलजोडी; 'साम' टीव्हीच्या वृत्ताची कृषिमंत्र्यांकडून दखल
Maharashtra Politics: अजितदादांना महायुतीतून बाहेर काढा, आमदार राहुल कुल यांच्यासमोरच भाजप पदाधिकारी थेट बोलला; VIDEO

तर बालाजी पुंडगे यांनी सुद्धा आपल्या शेताबरोबरच इतरांच्या शेतामध्ये सुद्धा काम करून आपण या बैलजोडीचा सांभाळ करू, असा शब्द धनंजय मुंडे यांना दिला. यावेळी बी.डी.बांगर यांच्यासह राष्ट्रवादी काँग्रेस पक्षाचे पदाधिकारी व कृषी विभागाचे अधिकारी हे शिरळे गावात उपस्थित होते

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com