Nandurbar: शहादा तालुक्यात कोसळला मुसळधार पाऊस, नाल्याचे पाणी शिरलं गावात; मुख्य रस्ताच वाहून गेला

- सागर निकवाडे

नंदुरबार जिल्ह्यातील शहादा तालुक्यात काही भागात झालेल्या मुसळधार पावसामुळे रस्त्यांवर माेठे माेठे खड्डे पडले आहेत. जिल्ह्यातील सारंगखेडा गावाजवळ असलेल्या कळंबू गावात नाल्याच्या पाण्याच्या प्रवाहामुळे गावातील मुख्य रस्ता वाहून गेला आहे. परिणामी ग्रामस्थांची माेठी गैरसाेय निर्माण झाली आहे.

कळंबू गावात जोरदार पाऊस झाल्याने गावात गाळ आणि कचरा वाहून आला. त्यामुळे गावात अतिशय दुर्गंधी पसरली आहे. गावात रहदारीसाठी एकच रस्ता असल्याने ग्रामस्थांचे हाल होत आहेत.

कळंबू गावात रस्ता दुरुस्ती आणि सफाईचे काम त्वरित करण्याची मागणी ग्रामस्थांच्या वतीने करण्यात येत आहे. साम टीव्हीशी बाेलताना ग्रामस्थ किशोर पाटील म्हणाले गावात साचलेल्या घाणीमुळे दुर्गंधी पसरली आहे. यामुळे आराेग्याचा प्रश्न निर्माण हाेऊ शकताे.

Edited By : Siddharth Latkar