- सचिन कदम
रेल्वे फाटक बंद केल्याने हाेणारी गैरसाेय रेल्वे प्रशासनास लक्षात यावी यासाठी रायगड जिल्ह्यातील निडी ग्रामस्थांनी नुकतेच कोकण रेल्वे मार्गावर आंदाेलन छेडले. ग्रामस्थांनी सुमारे अर्धा तास कोकण रेल्वे मार्ग राेखून धरला. दरम्यान रेल्वे अधिका-यांनी आंदाेलनस्थळी भेट देत ग्रामस्थांना बाेगदा मधील काम पूर्ण हाेईपर्यंत फाटक सुरू ठेवणार असल्याचे आश्वासित केले.
कोकण रेल्वे मार्गावर रोहा तालुक्यातील निडी येथे बाेगदा बांधला आहे. या बोगद्यात पावसाचे पाणी साचते. यामुळे निडी ग्रामस्थानी सोमवारी संध्याकाळी कोकण रेल्वे मार्गावर ठिय्या आंदाेलन केले.
पावसाळ्यात या बोगद्यात पाणी साचत असल्याने ग्रामस्थांची गैरसोय होत आहे. त्या विरोधात हे आंदोलन करण्यात आले. अखेर रेल्वेचे अधिकारी आंदोलनाच्या ठिकाणी आले. जो पर्यंत बोगद्यातील अडचणी दूर होत नाहीत तो पर्यंत फाटक सुरू ठेवण्याचे अधिका-यांनी मान्य केले. त्यानंतर ग्रामस्थांनी आंदोलन मागे घेतले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
