Accident News: कशेडी घाटात डिझेलचा टँकर उलटला; मोठी दुर्घटना टळली

जितेश कोळी

रत्‍नागिरी : घाटातील उतारात ब्रेक न लागल्यामुळे टँकर उलटला आहे. मुंबई-गोवा महामार्गावरील घटना असून यात टँकर चालक अपघातात (Accident) किरकोळ जखमी झाला आहे. डिझेलचा ट्रँकर असल्‍याने पुढची दुर्घटना टाळण्यासाठी घटनास्थळी लागलीच अग्निशमन दलाचे (Fire Brigade) बंब दाखल झाला. (Breaking Marathi News)

मुंबई- गोवा महामार्गवर कशेडी घाटात आज दुपारी मुंबईहून गोव्याच्या दिशेने जाणार डिझेलचा टँकर उलटून अपघात झाला. घाटातील तीव्र उतारात ब्रेक न लागल्यामुळे टँकरला अपघात झाला. या टँकरमध्ये जहाजासाठी इंधन म्हणून वापरले जाणारे डिझेल असल्याने सुरक्षेसाठी पोलिसांनी घटनास्थळी अग्निशमन दलाचे बंब पाचारण केले आहेत.

घाटातील वाहतूक सुरळीत

महामार्ग पोलीस विभागाचे सहाय्यक पोलीस उपनिरीक्षक समीर सुर्वे, हेडकॉन्स्टेबल साखरकर, होमगार्ड सचिन कडू, विशाल गोगेकर, तांबे, साळुंखे, शिंदे यांनी मदतकार्य केले. सध्या घाटातील वाहतूक पोलिसांच्या सुरक्षेत सुरळीत सुरू ठेवण्यात आली आहे.