हिंदूंना लुटणारं सरकार सत्तेत; रामाचं धनुष्य चोरणाऱ्यांची लंका 'मशाली'नं जाळणार, उद्धव ठाकरेंचा भाजपवर हल्लाबोल

'कोणी मंदिर लूटत असेल तर हिंदू त्यांना माफ करणार नाही. हिंदूना लुटणारं सरकार सत्तेत बसलंय. ज्यांनी रामाचं धनुष्य चोरलंय त्यांची लंका मशालीनं जाळणार', असं म्हणत उद्धव ठाकरेंनी भाजपवर शरसंधान साधलं. शिवसेना उद्धव बाळासाहेब ठाकरे पक्षाकडून आज मुंबईतील दादर येथील हनुमान मंदिराजवळ रामरक्षा आंदोलन आंदोलन करण्यात आले. यावेळी महाआरती करण्यात आली त्यानंतर उद्धव ठाकरेंनी केंद्रातील भाजप सरकारवर जोरदार हल्लाबोल केला.

अयोध्येथील श्रीराम मंदिरातील दान चोरीच्या विरोधात उद्धव ठाकरेंची शिवसेना आक्रमक झाली आहे. त्याच्या निषेधार्थ 'रामरक्षा आंदोलन' करण्यात आले. दादरच्या हनुमान मंदिरात रामरक्षा स्तोत्र पठण आणि हनुमान चालीसा म्हणत हे आंदोलन केले गेले. यासाठी अनेक महंत आणि पंडित मंदिराजवळ पोहचले. प्रवक्ते आनंद दुबे यांच्यासह अयोध्यायेथील ही काही पंडित या आंदोलनात सहभागी झाले.

यावेळी भाषण करताना उद्धव ठाकरेंनी भाजपवर जोरदार टीका केली. भाजपकडून उद्धव ठाकरेंनी हिंदुत्व सोडल्याची टीका केली जातेय परंतु येथे अख्खा हिंदू समाज माझ्यासोबत आहे. माझ्या समोर उभा आहे. पण सत्तेतील भाजपनं राम मंदिरात चोरी केली असून त्यांना त्या चोरांना प्रभु रामाचे नाव घेण्याचा अधिकार नसल्याचं म्हटलंय.

अयोध्येमधील राम मंदिरासाठी कारसेवकांना आपलं रक्त सांडलंय. हिंदूच्या कष्टाचा पैसा वापरला गेला. शिवसेनेनेने राम मंदिरासाठी मठं योगदान दिलंय. शिवसेनेने राम मंदिरासाठी चांदीची विट दिली होती असा सवाल करत उद्धव ठाकरेंनी भापला थेट चोरांची उपमा दिली आहे.

आपला हिंदू समाज भोळा, भाबडा आहे, पण मूर्ख नाहीये, त्यामुळे हिंदूंचा पैसा लुटणाऱ्या चोरांना कधी माफ करणार नाही. हिंदूंचे पैसे लुटता लाज वाटली पाहिजे. हिंदूंचा पैसा लुटणारं सरकार सत्तेत बसलंय. त्यामुळे हे राम रक्षा आंदोलन प्रत्येक गावागावापर्यंत पोहोचवा. रामाचे नाव घेतलं तर भूत देखील पळून जातात, भाजपमधील काय चीज आहेत. यामुळे एकजुटीनं या चोरांना हद्पार करा. भाजपला दिल्लीत बसवणारा महाराष्ट्र आहे. महाराष्ट्रामध्ये हे आंदोलन सुरू झालं असून महाराष्ट्र एकदा जागा झाला तर संपूर्ण देश जागा होतो, असं ठाकरे म्हणालेत.