Rain News Today : काही दिवसांपासून राज्यात पावसाने (Rain) विश्रांती घेतली होती. मात्र, आता पुन्हा एकदा पावसाने परतीचा मार्ग धरला आहे. गेल्या दोन ते तीन दिवसांपासून राज्यातील विविध भागात मुसळधार पाऊस सुरू आहे. पावसामुळे जलमय परिस्थिती निर्माण झाली असून नदी-नाल्यांना पूर आलाय. (Rain News In Maharashtra Today Marathi)
दरम्यान, पुढील दोन ते तीन हीच परिस्थिती कायम राहणार असल्याचं हवामान विभागाकडून (Weather Updates) सांगण्यात आलंय. इतकंच नाही तर, राज्यासाठी पुढील ४८ तास धोक्याचे असल्याचा इशाराही हवामान विभागाकडून देण्यात आला आहे.
मुंबईसह उपनगर आणि आजूबाजूच्या भागांमध्ये विजांच्या कडकडाटासह पाऊस होईल असं हवामान विभागाकडून सांगण्यात आलं आहे. त्यामुळे या भागांना यलो अलर्ट जारी करण्यात आला आहे. (Maharashtra News)
आज म्हणजेच ८ ऑक्टोबर रोजी मुंबईत हवामान विभागाने यलो अलर्ट देखील जारी केला आहे. याशिवाय ११ आणि १२ ऑक्टोबर रोजी विजांच्या कडकडाटासह पाऊस पडण्याची शक्यता हवामान खात्याकडून वरतवण्यात आली आहे.
राज्यात कुठे-कुठे होणार पाऊस?
हवामान खात्याच्या माहितीनुसार, पालघर, ठाणे, मुंबई, रायगड, रत्नागिरी, सिंधुदुर्ग तर मध्य महाराष्ट्रातील नंदुरबार, धुळे, जळगाव, नाशिक, नगर, पुणे, सातारा, सांगली, सोलापूर, कोल्हापूर आणि मराठवाड्यातील सर्व जिल्ह्यांमध्ये मुसळधार पाऊस होण्याची शक्यता आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
