रायगड जिल्हा परिषदेत कोट्यवधी रुपयांच्या वेतन अपहार प्रकरणी अपडेट
आरोपी ज्योतिराम वरूडे याने विष पिऊन केली आत्महत्या .
महिला व बाल विकास विभागात आर्थिक गैरव्यवहार झाल्याचे उघड
आरोपीने विद्यानगर येथे मेहुण्याच्या घरी केली आत्महत्या
सचिन कदम, साम टीव्ही
रायगड जिल्हा परिषद अपहार प्रकरणाची मोठी अपडेट समोर आली आहे. कोट्यवधींच्या अपहार प्रकरणातील मोठा ट्विस्ट निर्माण झाला आहे. या प्रकरणातील आरोपीने आत्महत्या केली आहे. ज्योतिराम वरूडे याने विष पिऊन आत्महत्या केली. ज्योतिराम याच्या आत्महत्येने परिषदेच्या प्रशासकीय वर्तुळात मोठी खळबळ उडाली आहे.
रायगड जिल्हा परिषदेतील विद्यानगर येथे आरोपी ज्योतिराम वरूडे याने विष पिऊन आयुष्य संपवलं. आरोपीने जिल्हा परीषद कर्मचाऱ्यांच्या वेतन फरकातील कोट्यवधी रूपयांचा अपहार केला होता. आरोपीने विद्यानगर येथील मेहुण्याच्या घरी त्याने आपले जीवन संपवलं.
मिळलेल्या माहितीनुसार, रायगड जिल्हा परिषदेच्या महिला आणि बाल विकास विभागात कोट्यवधी रुपयांचा आर्थिक अपहार प्रकरणातील मुख्य आरोपी होता. ज्योतिराम वरुडे, नाना कोरडे आणि महेश मांडवकर या तिघांविरोधात गुन्हा दाखल करण्यात आला.
या तिघांनी रायगड जिल्हा परिषदेच्या कर्मचाऱ्यांच्या वेतनातील फरकाची रक्कम परस्‍पर आपल्‍या आणि जवळच्‍या व्‍यक्‍तींच्‍या बँक खात्‍यावर जमा केली होती. हे प्रकरण उघडकीस आल्‍यापासून ज्योतिराम वरूडे मानसिक तणावाखाली होता, असं सांगितलं जातंय.
रायगड जिल्हा परिषद अपहार प्रकरण काय आहे?
महिला आणि बाल विकास विभागाच्या माध्यमातून कर्मचाऱ्यांच्या वेतनातील फरकाच्या रक्कमेत अपहार करण्यात आला. आरोपींनी ही रक्कम स्वतःच्या आणि ओळखीच्या लोकांच्या बँक खात्यांत जमा केली होती.
आरोपीने आत्महत्या का केली?
आर्थिक घोटाळा उघड झाल्यानंतर आरोपी ज्योतिराम वरूडे मानसिक तणावात होता. त्यामुळे त्याने विष पिऊन आत्महत्या केली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.