Raigad Accident: मुंबई- गोवा महामार्गावर अपघाताचा थरार, भरधाव कारची कंटेनरला धडक; आई अन् मुलीचा जागीच मृत्यू

• मुंबई- गोवा महामार्गावर भीषण अपघात

• पोलादपूरमध्ये कार कंटेनरला धडकली

• आई आणि मुलीचा जागीच मृत्यू

• वडील आणि मुलगा गंभीर जखमी

सचिन कदम, रायगड

रायगडमध्ये मुबंई- गोवा महामार्गवर भीषण अपघाताची घटना घडली. भरधाव कारने कंटेनरला पाठीमागून धडक दिली. या अपघातामध्ये दोघांचा जागीच मृत्यू झाला तर दोन जण गंभीर जखमी झाले आहेत. जखमींना उपचारासाठी रुग्णालयात दाखल करण्यात आले आहे. ० मुबंई -गोवा महामार्गवर पोलादपूर तालुक्यात लोहारमाळ गावाच्या हद्दीत ही घटना घडली. रत्नागिरीच्या दिशेने जाणाऱ्या मार्गावर उभ्या असलेल्या कंटेनरला कारने पाठीमागून धडक दिली. हा अपघात इतका भीषण होता की यामध्ये कारचा चुराडा झाला.

मिळालेल्या माहितीनुसार, मुंबई- गोवा महामार्गावर पोलादपुर हद्दीत कारला भीषण अपघात झाला. रस्त्याच्या शेजारी उभे असलेल्या कंटेनरच्या मागील बाजूस ही भरधाव कार जाऊन आदळली. अपघातामध्ये कारचा चक्काचुर झाला. या अपघातात आई आणि मुलगी अशा दोन जणांचा जागीच मृत्यू झाला. तर वडील आणि मुलगा गंभीर जखमी झाले आहेत.

अपघातामध्ये सुवर्णा मार्कंडे आणि अनुश्री मार्कंडे या दोघींचा मृत्यू झाला. तर अनिल मार्कंडे आणि त्यांचा मुलगा गंभीर जखमी झाला. त्यांना उपचारासाठी एमजीएम रुग्णालय नवी मुंबई येथे दाखल करण्यात आले आहे. तर चिन्मय मार्कंडे याच्यावर महाडमधील खासगी रुग्णालयात उपचार सुरु आहेत.

अनिल मार्कंडे हे दापोली कृषी विद्यापिठ येथे कार्यरत असून मार्कंडे कुटुंबीय नगर येथून दापोली येथे जात असताना पोलादपुर तालुक्यातील लोहार माळ गावच्या हद्दीत हा अपघात झाला. या अपघातानंतर महामार्गावर वाहतूक कोंडी झाली होती. आई आणि मुलीचा जागीच मृत्यू झाल्यामुळे हळहळ व्यक्त केली जात आहे. रायगड पोलिस या अपघाताचा तपास करत आहेत.