Dattatray Gade New Photo : स्वारगेट अत्याचार घटना; कपाळावर टिळा, बारीक दाढी, आरोपी दत्ता गाडेचे नवीन फोटो व्हायरल

पुणे : पुण्यातून एक धक्कादायक बातमी समोर आली. पुण्यातील स्वारगेट बस डेपोत एका २६ वर्षीय तरुणीवर बसमधे बलात्कार झाल्याची घटना समोर आली. २६ वर्षीय तरुणीवर पहाटे स्वारगेट एसटी डेपोमध्ये उभ्या असलेल्या बसमध्ये बलात्कार झाल्याची धक्कादायक घटना समोर आली. पोलिसांची पथके आरोपीच्या मागावर आहेत. दरम्यान, आता मोठी अपडेट समोर आली आहे, ती म्हणजे आरोपी दत्तात्रय गाडेचे नवीन फोटो समोर आले आहेत.

पुण्यातील स्वारगेट बस डेपोमध्ये पहाटे ५.३० वाजता ही धक्कादायक घटना घडली. २६ वर्षीय तरुणी काल पहाटे पुण्याहून फलटणला निघाली होती. त्या दरम्यान बस डेपोमध्ये ही घटना घडली. गुन्हा घडल्यावर नराधम आरोपी दत्तात्रय गाडे हा फरार झाला असून त्याचा शोध घेतला जातोय. आता त्याचे दोन नवीन फोटो समोर आले आहेत.

बस डेपोत पीडित तरुणीला चुकीची माहिती देऊन डेपोत थांबलेल्या शिवशाही बसमध्ये नेऊन तिच्यावर अत्याचार करण्यात आला. स्वारगेट बस डेपोत ही घटना पहाटे साडे पाचच्या सुमारास घडली आहे. हा आरोपी रेकॉर्डवरील असला तरी स्वारगेटला इतक्या गाड्या असताना ही घटना कुणालाच कशी कळली नाही हा प्रश्न आहे. यामुळं स्वारगेट बस डेपोतील सुरक्षेचा प्रश्न ऐरणीवर आला आहे. आरोपीला शोधण्यासाठी पथकं रवाना झाली आहेत.