पंतप्रधान नरेंद्र मोदी आज सोलापूरच्या दौऱ्यावर आहेत. सोलापूरमध्ये उभारण्यात आलेल्या आशिया खंडातील सर्वात मोठ्या गृहप्रकल्पाचं लोकार्पण पंतप्रधान नरेंद्र मोदी यांच्या हस्ते झालं आहे. या कार्यक्रमात राज्यात मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार देखील उपस्थित आहेत. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
या कार्यक्रमाची सुरुवात माजी आमदार नरसय्या आडम यांच्या भाषणाने झाली. मात्र आडम यांच्या भाषणाच्या सुरुवातीनेच अनेकांच्या भुवया उंचावल्या. आडम यांनी भाषणात उपमुख्यमंत्री म्हणून उद्धव ठाकरे यांचा उल्लेख केला. मात्र आपली चूक झालीय हे लक्षात येताच आडम यांनी आपली चूक सुधारली. आडम यांनी देवेंद्र फडणवीस यांची मंचावरुनच माफी देखील मागितली. (Latest Marathi News)
नरसय्या आडम यांनी पंतप्रधान नरेंद्र मोदी यांचे देखील आभार मानले. पंतप्रधान मोदींनी २०१९ रोजीमध्ये या गृहनिर्माण प्रकल्पाची पायभरणी केली होती. आज आनंद होतोय की पंतप्रधान मोदी १५००० घरांची चावी देण्यासाठी दिल्लीहून इथे आले आहेत.
राज्याचे मुख्यमंत्री एकनाथ शिंदे आणि दोन्ही उपमुख्यमंत्र्यांचं सहकार्य लाभलं. राज्य सरकारने म्हाडाकडून २७० कोटी दिले. ३१ डिसेंबर २०२४ पर्यंत ३० हजार घरं तयार होतील. त्यानंतर हे देशातील पहिलं श्रमिक शहर असेल, आडम यांनी म्हटलं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.