Parbhani Accident News: भरधाव ट्रकने दुचाकीला उडवलं; दोन शिक्षकांचा जागीच मृत्यू, मन सुन्न करणारी घटना

Kalyan - Nirmal Highway : परभणी जिल्ह्यातून एक भीषण अपघाताची घटना समोर आली आहे. भरधाव वेगात येणाऱ्या ट्रकने दुचाकीवरून जाणाऱ्या दोन शिक्षकांना जोरदार धडक दिली.
Parbhani Accident News
Parbhani Accident NewsSaam Tv

Parbhani News: परभणी जिल्ह्यातून एक भीषण अपघाताची घटना समोर आली आहे. भरधाव वेगात येणाऱ्या ट्रकने दुचाकीवरून जाणाऱ्या दोन शिक्षकांना जोरदार धडक दिली. या भीषण अपघातात दोन्ही शिक्षकांचा जागीच मृत्यू झाला आहे. अपघातानंतर ट्रकचालकाने घटनास्थळावरून पळ काढला. अपघाताची माहिती मिळाताच पोलिसांनी तातडीने घटनास्थळी धाव घेतली.  (Latest Marathi News)

Parbhani Accident News
Crime News : महिलांनी पाजली दारू, नराधमांनी केला सामूहिक अत्याचार; १७ वर्षीय मुलीसोबत घडला भयावह प्रकार

रामेश्वर कदम आणि गंगाधर राऊळ अशी मृत्युमुखी पडलेल्या शिक्षकांची नावे आहेत. दोन्ही शिक्षक मानवत (Parbhani) येथील शकुंतला विद्यालयातील असल्याची माहिती आहे. मिळालेल्या माहितीनुसार, कदम आणि राऊळ हे दोघेही शिक्षक दुचाकीवरून आज पहाटेच्या सुमारास महाविद्यालयात निघाले होते.

मानवत शहरातून जाणाऱ्या कल्याण ते निर्मल राष्ट्रीय महामार्ग क्रमांक ६१ वर दुचाकी आली असता समोरून येणाऱ्या भरधाव ट्रकने त्यांच्या दुचाकीला जोरदार (Accident) धडक दिली. ही धडक इतकी भीषण होती की, यामध्ये दोन्ही शिक्षकांची घटनास्थळीच मृत्यू झाला.

Parbhani Accident News
Ahmednagar News : ​बोअरवेलमध्ये पडलेल्या 'त्या' चिमुकल्याचा अखेर मृत्यू; तब्बल ८ तासांनंतर मृतदेह काढला बाहेर

दरम्यान, अपघाताची माहिती मिळताच, स्थानिक नागरिकांसह पोलिसांनी घटनास्थळी धाव घेतली. पोलिसांनी दोन्ही शिक्षकांचे मृतदेह ताब्यात घेतले असून शवविच्छेदनासाठी रुग्णालयात पाठवले आहेत. या घटनेनंतर ट्रकचालक हा पसार झाला असून पोलिस त्याचा शोध घेत आहे. या दुर्देवी घटनेमुळे परिसरातून हळहळ व्यक्त केली जात आहे.

Edited By - Satish Daud Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com