Pandharpur: माघी एकादशीनिमित्त पंढरपुरात भक्तीमय सोहळा, लाखो भाविकांच्या साक्षीने विठ्ठल-रुक्मिणीची नित्यपूजा संपन्न

Vitthal Rukmini Nityapuja: माघी एकादशी निमित्त पंढरपूरातील विठ्ठल-रुक्मिणी मंदिर भक्तीमय वातावरण झाले. मंदिर समितीचे सदस्य प्रकाश महाराज जवंजाळ यांनी विठ्ठलाची, तर संभाजी शिंदे यांनी रुक्मिणी मातेची सपत्नीक नित्यपूजा करून विधी पार पाडले.
Pandharpur
Pandharpursaam tv
Published On

पंढरपुरातील विठ्ठल-रुक्मिणी मंदिरात माघी एकादशीच्या निमित्ताने भक्तीमय वातावरण तयार झाले आहे. मंदिर समितीचे सदस्य प्रकाश महाराज जवंजाळ यांनी सपत्नीक विठ्ठलाची नित्यपूजा, तर संभाजी शिंदे यांनी रुक्मिणी मातेची नित्यपूजा केली. राज्यभरातून सुमारे चार लाखांहून अधिक भाविक पंढरीत दाखल झाले असून, श्री विठ्ठल-रुक्मिणीच्या दर्शनासाठी भक्तांची मोठी गर्दी पाहायला मिळत आहे.

माघी एकादशीच्या निमित्ताने विठ्ठल मंदिर विविध प्रकारच्या फुलांनी सजविण्यात आले आहे. पुण्यातील भाविक सतीश चव्हाण यांनी ही आकर्षक सजावट केली असून झेंडू, गुलाब, मोगरा, जाई-जुई आणि ष्टर यांसारख्या फुलांचा वापर करण्यात आला आहे. गाभारा, सभा मंडप, नामदेव पायरी यांसह मंदिरातील विविध ठिकाणी केलेल्या फुलांच्या मनमोहक सजावटीने देवाचे रूप अधिकच खुलून दिसत आहे.

Pandharpur
Palghar: दहावीच्या विद्यार्थ्यांना निरोप देताना शिक्षकाला रडू आलं, अचानक हृदयविकाराचा झटका आल्याने मृत्यू

माघी एकादशीच्या दिवशी पंढरपुरातील वातावरण भक्तिमय बनले होते. पहाटेपासूनच वारकरी आणि भाविक चंद्रभागा नदीत पवित्र स्नान करून संतांच्या अभंगाच्या जयघोषात नगरप्रदक्षिणा करताना दिसले. शेकडो वारकऱ्यांनी दिंड्या घेऊन पारंपरिक पद्धतीने संत अभंग म्हणत प्रदक्षिणा पूर्ण केली. चंद्रभागा नदीच्या वाळवंटात आणि ६५ एकर मंदिर परिसरात टाळ, मृदुंग आणि हरिनामाच्या गजराने पंढरी नगरी दुमदुमून गेली होती.

Pandharpur
Indore: इंदूरची रात्रीची खासियत, रात्री ८ ते पहाटे ३ पर्यंत सराफा बाजारातील स्ट्रीट फूडची मेजवानी, एकदा नक्की ट्राय करा

भाविकांनी चंद्रभागा स्नान, कळस दर्शन, नगरप्रदक्षिणा आणि श्री विठ्ठल-रुक्मिणीच्या पाददर्शन व मुखदर्शनासाठी मोठ्या संख्येने हजेरी लावली. विविध फुलांनी सजलेले मंदिर, भक्तांच्या टाळ-मृदुंगाच्या आवाजाने भरलेला परिसर, आणि विठ्ठल-रुक्मिणीच्या भक्तीरसात न्हालेली पंढरपूर नगरी यामुळे माघी एकादशीचे पवित्र पर्व भक्तांसाठी खास ठरले आहे.

Pandharpur
SSC-HSC Exam: 10वी आणि 12वी परीक्षेत कॉपी कराल तर खबरदार; विद्यार्थ्यांवर थेट फौजदारी गुन्हा दाखल होणार

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com