Milk Price: दुग्धविकास मंत्र्यांच्या पुतळ्याला दुग्धाभिषेक; दूध दर वाढीसाठी पंढरपुरात आंदोलन

पंढरपूर : गाय व म्हशीच्या दुधाला दर मिळत नसल्याने दूध दर वाढ व्हावी अशी मागणी होत आहे. दुध (Pandharpur) दरवाढीच्या मागणीसाठी रयत क्रांती संघटना आक्रमक झाली आहे. दुध खरेदी दरात वाढ करण्याच्या मागणीसाठी दुग्धविकास मंत्री राधाकृष्ण विखे पाटील (Radhakrishna Vikhe Patil) यांच्या पुतळ्याला दुग्धाभिषेक करत आंदोलन करण्यात आले. (Maharashtra News)

सध्या दूध खरेदीदाराकडून दुघ खरेदी करताना चांगला दर दिला जात नाही. यात गाईच्या दूधाला ४० रूपये तर म्हशीच्या दुधाला प्रति लिटर ८० रूपये दर मिळावा; अशी मागणी होत आहे. याच मागणीसाठी आज पंढरपूर- विजयपूर मार्गावर अनवली गावात रयत क्रांती संघटनेच्यावतीने (Milk Price) रास्तारोको आंदोलन करण्यात आले. तसेच यावेळी दुग्धविकास मंत्री राधाकृष्ण विखे पाटील यांच्या प्रटळऊस दुग्धाभिषेक करत घोषणाबाजी करण्यात आली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अन्यथा दिवाळीच्या दिवशी खर्डा भाकरी आंदोलन 

खासगी दूध संघांनी दूध दरात कपात केली आहे. दिवाळी पूर्वी सरकारने दुध दरात वाढ करावी अन्यथा दिवाळी पाडव्याच्या दिवशी दुग्धमंत्री राधाकृष्ण विखे पाटील यांच्या घरासमोर खर्डा भाकरी आंदोलन केले जाईल; असा इशारा रयत क्रांती संघटनेचे प्रदेश कार्याध्यक्ष दीपक भोसले यांनी दिला आहे.