Nitesh Rane : 'अशा जिल्हात पाठवू बायकोला फोन देखील लागणार नाही'; नितेश राणेंची पुन्हा एकदा पोलिसांना धमकी

बातमी आहे नितेश राणेंनी पोलिसांना दिलेल्या धमकीची... मस्ती कराल तर अश्या जिल्ह्यात पाठवू, बायकोला फोन देखील लागणार नाही.. अशा शब्दात नितेश राणेंनी पोलीसांना दम दिलाय.. सांगलीतील पलूस येथे आयोजित जन आक्रोश मोर्चात त्यांनी हा इशारा दिलाय. पाहूया एक रिपोर्ट...

भाजपचे आमदार नितेश राणे यांची वादग्रस्त विधान काही केल्या थांबेंनात. आता तर त्यांनी पोलिसांनाच धमकी दिली आहे. सांगलीतील जनआक्रोश मोर्चात भाषण करताना ते पुन्हा एकदा पोलिसांवर घसरलेत. लव्ह जिहादवर भाषण करताना सरकार हिंदूंचे आहे, गृहमंत्री देवेंद्र फडणवीस आहेत, मस्ती कराल तर अशा जिल्ह्यात पाठवू की जिथून तुमच्या बायकोलाही फोन लागणार नाही असं ते म्हणाले. पलूस येथे आयोजित शिवशक्ती-भिमशक्ती जनआक्रोश मोर्चा दरम्यान बोलताना नितेश राणेंनी हे वादग्रस्त विधान केलंय. मात्र त्यांच्या वक्तव्याचा माजी खासदार इम्तियाज जलील यांनी समाचार घेतलाय.

अर्ध्या तासात तक्रार घ्यायची, अन्यथा धिंगाणा घालू, असा इशारा राणेंनी दिला आहे. नितेश राणे यांनी याआधीही पोलिसांबाबत वादग्रस्त वक्तव्य केलं होतं. पोलिस काय करणार आहेत, हे फक्त आमचे व्हिडीओ काढतील आणि घरात जाऊन बायकोला दाखवतील असं ते म्हणाले होते. तसेच आमचा बॉस सागर बंगल्यावर बसतो असंही ते म्हणाले होते. भाजपच्या बैठकीत फडणवीसांनी नितेश राणेंना वादग्रस्त वक्तव्याबाबत तंबीही दिली होती. मात्र तरीही नितेश राणेंनी बोलताना संयम ठेवला नाही हे विशेष....