चेतन व्यास, साम टीव्ही
वर्धा : विधानसभा निवडणुकीच्या मतदानादरम्यान वर्ध्यातून मोठी बातमी समोर आली आहे. वर्ध्यात शरद पवार गटाचे प्रदेश प्रवक्ते नितेश कराळे मास्तरांना मारहाण झाल्याची घटना घडली आहे. भाजप कार्यकर्त्यांनी मारहाण केल्याची माहिती नितेश कराळे यांनी दिली. या मारहाणीनंतर कराळे मास्तरांनी पोलीस स्टेशनमध्ये धाव घेतली.
मिळालेल्या माहितीनुसार, राष्ट्रवादी शरद पवार गटाचे प्रदेश प्रवक्ते नितेश कराळे मास्तरांना मारहाण झाल्याची घटना घडली आहे. वर्ध्यात भर रस्त्यात भाजप कार्यकर्त्यांनी नितेश कराळे यांनी मारहाण केल्याचा आरोप केला आहे. कराळे मास्तरांच्या मांडवा गावात त्यांना मारहाण करण्यात आली आहे. या मारहाणीनंतर कराळे मास्तर सावंगी पोलीस स्टेशनमध्ये पोहोचले.
मारहाणीनंतर नितेश कराळे म्हणाले, 'मी गावात मतदानासाठी गेलो. मतदान करून आलो. माझ्या गावातून येताना नेहमीच्या ठिकाणी थांबलो. तिथे काँग्रेसच्या बुथवर थांबलो. त्याआधी पोलिसांची गाडी येऊन गेली होती. पोलीस कर्मचाऱ्यांनी बुथवरील लोकांना दोन खुर्च्या ठेवण्यास सांगितल्या होत्या. मात्र, तिथे आठ-आठ खुर्च्या टाकून लॅपटॉप घेऊन बसले होते. माझे कार्यकर्त्यांनी त्याबाबत सांगितले. त्यानंतर मी पोलीस अधिकारी काकडे साहेबांना फोन केला. त्यावेळी गावातील एक जण लॅपटॉपसह बसला होता'.
'पक्षाचा बुथ असल्याने तिथे बसता येत नाही. मात्र, गावातील एक सरकारी कर्मचारी जण लॅपटॉपसह बसला होता. सचिन नावाच्या या कर्मचाऱ्याने मला मारहाण केली. मी एकही शब्द बोललो नाही. त्याने कॉलर पकडून हल्ला केला. भाजपचे कार्यकर्त्यांनी मारहाण केली. माझ्या कुटुंबासहित मी येत होतो. मला लहान मुलगी आणि पत्नीलाही धक्काबुकी झाली, असे कराळे मास्तर पुढे म्हणाले.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.