राष्ट्रवादीच्या विलीनीकरण होणार की नाही? सुनेत्रा पवारांसोबतच्या भेटीवर CM फडणवीसांचा मोठा खुलासा!

पराग ढोबळे, साम प्रतिनिधी

गेल्या काही दिवसापासून दोन्ही राष्ट्रवादी काँग्रेस एकत्र येणार असल्याची चर्चा सुरू होती. विलीनीकरणावर मुख्यमंत्री देवेंद्र फडणवीस यांनी या विलीनीकरणच्या चर्चेवर पडदा टाकलाय. दोन्ही गटातील नेत्यांमध्ये बैठकांचा सिलसिला सुरू होता. दिल्लीत सुप्रिया सुळे आणि प्रफुल्ल पटेलांच्या भेट, त्यानंतर आज उपमुख्यमंत्री सुनेत्रा पवारांनी मुख्यमंत्री देवेंद्र फडणवीस यांची भेट घेतली. एकीकडे विलीनीकरणाच्या चर्चा सुरू असतानाच या बैठकीला महत्त्व आलं होतं.

सुनेत्रा पवार यांच्याशी बैठक झाल्यानंतर मुख्यमंत्री फडणवीस यांनी माध्यमांशी संवाद साधला. यावेळी त्यांनी राष्ट्रवादीच्या एकत्रीकरणाच्या चर्चांना पूर्णविराम दिलाय. सुनेत्राताई शासकीय कामकाजनिमित्त आमच्याकडे आल्या होत्या, आमच्यात कुठेही विलीनीकरणाची चर्चा नव्हती, मी पुन्हा एकदा सांगतो, विलनीकरण संदर्भात काही चर्चा असते तर त्यांनी आमच्याशी चर्चा केलीच असती, कारण आम्ही सत्तेत आहोत.

सध्या विलीनीकरणाची कुठलीही चर्चा नाही, त्यांनी विलीनीकरणाची चर्चा सुरू केली असती तर त्यांनी असं सांगितलं असतं की विलीनीकरणाची चर्चा सुरू आहे. या चर्चा केवळ मीडियात ऐकायला मिळतात. प्रत्यक्षात अशा पद्धतीने आम्हाला कोणीही असं सांगितलं नाही. म्हणून त्या संदर्भात बोलणं योग्य होणार नाही. आजच्या चर्चेत सुनेत्रा पवार यांच्याशी झालेल्या चर्चेत विलीनीकरणाची कुठलीही चर्चा नव्हती.

तुम्ही आज सुप्रियाताईंची प्रेस कॉन्फरन्स ऐकली असेल तर त्यांनी अतिशय स्पष्टपणे सांगितलं आहे। की डीलिमिटेशन बीलला आमची मान्यता आहे। 50 टक्के फ्लॅट सीटा वाढवून मागच्या वेळेस जे बिल आलं होतं. तशा पद्धतीचा बिल आलं तर त्याला राष्ट्रवादी काँग्रेस शरद पवार यांचा पक्ष हा पूर्ण समर्थन देईल ,असा सुप्रियाताईंनी सांगितल. त्यामुळे ज्या वेगवेगळ्या चर्चा सुरू आहेत, आणि पतंगबाजी सुरू आहेत ते पतंगबाजी बंद झाली पाहिजे, असं फडणवीस माध्यमांशी बोलताना म्हणाले.