नाशिक महानगरपालिकेत भाजप-शिंदेसेना युती सत्तेत आली
भाजपच्या हिमगौरी आडके महापौर तर विलास शिंदे उपमहापौर होणार
अजित पवारांच्या राष्ट्रवादी आणि मनसेने भाजपला पाठिंबा दिला
चार वर्षांनंतर नाशिक महापालिकेतील प्रशासकीय राजवट संपुष्टात
नाशिकमध्ये मोठी राजकीय घडामोड घडली आहे. नाशिकमध्ये भाजप आणि शिंदेंच्या शिवसेनेचं अखेर ठरलं. विरोधात लढलेली शिंदेंची शिवसेना भाजपसोबत सत्तेत सहभागी होणार आहे. नाशिकमध्ये भाजपचा महापौर आणि शिंदेंच्या शिवसेनेचा उपमहापौर होणार आहे. तर अजित पवारांच्या राष्ट्रवादीने देखील भाजपला पाठिंबा दिला आहे. त्यामुळे नाशिक महानगर पालिकेवर भाजपची सत्ता राहणार आहे.
नाशिक महापालिकेत भाजपचा महापौर आणि शिंदेंच्या शिवसेनेच्या उपमहापौर बिनविरोध निवड होणार आहे. महापौरपदाच्या निवडणुकीतून ठाकरेंच्या शिवसेनेने माघार घेतली. नाशिक महानगर पालिकेमध्ये भाजपसह शिंदेंची शिवसेना, अजित पवारांची राष्ट्रवादी आणि राज ठाकरेंची मनसे सत्तेत असणार आहे. ठाकरेंच्या शिवसेनेचा विरोधी पक्ष नेता होण्याचा मार्ग मोकळा झाला.
नाशिकला आज महापौर आणि उपमहापौर मिळणार आहे. भाजपच्या हिमगौरी आडके महापौर तर उपमहापौरपदी शिंदेंच्या शिवसेनेचे विलास शिंदे उपमहापौर होणार आहेत. नाशिक महानगर पालिकेमध्ये भाजपचे नगरसेवक दाखल व्हायला सुरुवात झाली आहे. पारंपारिक पोशाख आणि फेटे घालून भाजपच्या महिला नगरसेविका महापालिकेत दाखल झाल्या आहेत.
दरम्यान, तब्बल चार वर्षानंतर नाशिक महापालिकेतील प्रशासकीय राजवट आज संपुष्टात येतेय. नाशिकच्या महापौर आणि उपमहापौर पदासाठी पुढच्या काही वेळामध्ये निवडणूक प्रक्रिया पार पडणार आहे. त्यासाठी महापालिकेच्या सभागृहामध्ये जय्यततयारी करण्यात आली आहे. नवीन आसनं, रंगरंगोटी करून सभागृहाला नवा साज देण्यात आला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.