Nashik Accident: नाशकात डांबर वाहणारा ट्रक उलटून एक अपघात, गरम डांबराखाली दबून कर्मचारी भाजला

नाशिक : नाशकात डांबर वाहणारा ट्रक उलटून एक अपघात झाला आहे. या अपघातात डांबराखाली दबून एक कर्मचारी गंभीररित्या जखमी झाला आहे. सध्या जखमी कर्मचाऱ्याला उपचारासाठी रुग्णालयात दाखल करण्यात आलं आहे.

नेमकं काय घडलं?

नाशिक (Nashik) शहरातील एमजी रोड परिसरात एक डांबर वाहणारा ट्रक (Truck) उलटून अपघात घडला आहे. या अपघातात ट्रक उलटल्यानंतर ट्रकमधील गरम डांबर रस्त्याच्या कडेला पसरले. या गरम डांबराखाली दबून एक कर्मचारी गंभीर रित्या भाजला आहे.

स्थानिकांच्या मदतीने जखमी (Injured) कर्मचाऱ्याला उपचारासाठी रुग्णालयात दाखल करण्यात आले आहे. गॅस पाईपलाईनसाठी खोदण्यात आलेले रस्ते बुझवताना ही घटना घडल्याची माहिती आहे. रस्त्यातील खड्डे व्यवस्थित न बुझवल्याने त्यातच निकृष्ट कामात डांबराच्या ट्रकचे चाक अडकून ट्रक पलटी झाल्याची माहिती आहे.

Edited By - Nupur Uppal