Nandurbar News : साई मंदिर दानपेटी चोरीप्रकरणी दोघे पोलिसांच्या ताब्यात
सागर निकवाडे
नंदूरबार : शहादा तालुक्यातील सारंगखेडा येथील तापी नदी काठी असलेल्या श्री इच्छापूर्ती साईबाबा मंदिरात (Sai Temple) २६ जुलैला दानपेटी चोरीची घटना घडली होती. त्यातील दोन संशयितांना पोलिसांनी (Shahada) अटक केली. त्यात एक अल्पवयीन असून त्यांच्याकडून काही रक्कम जप्त करण्यात आली आहे. (Live marathi News)
शहादा तालुक्यातील सारंगखेडा येथील तापी नदीकाठावर साई भक्तांनी भव्य असे साई मंदिर बांधले आहे. मंदिर मोठे असल्याने येथे येणारे भाविक दानपेटीत काही रक्कम टाकत असतात. साई मंदिरात अज्ञात चोरट्यांनी येथील दानपेटी चोरून नेल्याची घटना घडली होती. याबाबत साई मंदिर ट्रस्टचे संचालक यांनी पोलिसात तक्रार दिली आहे.
रिकामी दानपेटी मिळाली
मंदिरातील दानपेटी भर दुपारी चोरून नेण्यात आली होती त्यात जवळपास ६५ ते ७० हजार रुपये रक्कम असल्याचे ट्रस्टी यांनी सांगितले होते. पोलिसांनी शोध घेतला असता दान पेटी तापी नदीकाठी रिकामी मिळून आली. सारंगखेडा पोलिसांना मिळालेल्या गोपनीय माहितीच्या आधारे चोरट्यांचा शोध घेत २ आरोपींना ताब्यात घेतले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.