Nagpur: मुकबधीर महिलेला धावत्या रेल्वेत प्रसुती कळा; खाकी वर्दीतल्या देवमाणसांनी लाँच केलं 'ऑपरेशन मातृशक्ती'

प्रसाद जगताप, साम प्रतिनिधी

नागपूर: रेल्वे पोलिसांनी लाँच केलेल्या 'ऑपरेशन मातृशक्ती'मुळे खाकी वेशातील देव अनेकांना पाहायला मिळाला. ही घटना घडलीय नागपूर रेल्वे स्टेशनवर. एका महिलेला प्रसुती कळा सुरू झाल्या, परंतु महिलेला बोलता येत नसल्याने तिला होणारा त्रास ती कोणाला सांगू शकत नव्हती. आपलं काय होणार? बाळाचं काय होणार? अशा विचारात वेदना सहन करणाऱ्या महिलेसमोर खाकी वर्दीतील देव अवतरले. पोलिसांनी वेळीच 'ऑपरेशन मातृशक्ती' लाँच करत महिलेसह बाळाला जीवनदान दिलं.

धावत्या रेल्वेत एका बोलता न येणाऱ्या माऊलीला प्रसुतीच्या कळा सुरू झाल्या.तिला काय होतंय? हे तिला कुणाला सांगताही येत नव्हतं.. रेल्वेचा वेग, लोकांची लगबग आणि तिच्या शरीरात होणारे बदल पाहून तिच्या काळजाचा थरकाप उडत होता. आता काय होईन? या कळा कशा आणि कधी थांबतील. जन्माला येणारं बाळ कुठे जन्म घेईन? अशा विचारत पडलेल्या या महिलेसाठी पोलिसांनी थेट ऑपरेशन मातृशक्ती लॉंच केलं आणि महिलेला वेळीच रुग्णालयात दाखल केलं. पोलिसांच्या या तत्परचेचं आणि त्यांनी चालवलेल्या 'ऑपरेशन मातृशक्तीचं' आता सर्वत्र कौतूक होतंय.

या घटनेने या जगात आजही माणुसकी शिल्लक आहे याची प्रचिती झाली. वेदनांना दत्तक घेऊन, संवेदना जागणारी माणसं आजही आपल्या अवतीभोवती आहेत, हे या घटनेतून समोर आलं आहे. दरम्यान ही घटना नागपूर रेल्वे स्थानकावर गोंदियावरुन नागपूरला येणाऱ्या महाराष्ट्र एक्सप्रेसमध्ये हा सगळा प्रकार घडलाय. या रेल्वे गाडीत असलेल्या एका मुकबधिर महिलेला प्रसुती वेदना सुरू झाल्या.

ही माहिती एका भल्या माणसाने रेल्वे पोलिसांपर्यंत पोहचवली. ही माहिती मिळताच कामठी स्टेशनवरचे पोलीस अलर्ट झाले. पोलिसांनी या महिलेसाठी तात्काळ ऑपरेशन मातृशक्ती लॉंच केलं. काही क्षणात प्लॅटफॉर्मवर गाडी थांबली आणि पोलीस या महिलेच्या मदतीला धावले.

पोलिसांनी महिलेला उचलून तात्काळ धाव घेतली. त्यांनी रिक्षा बोलवत महिलेला तातडीने रुग्णालयात दाखलं केलं. या घटना सीसीटीव्ही कैद झाली असून त्याचा व्हिडिओज् सोशल मीडियावर व्हायरल झालेत. पोलिसांच्या खाकी वर्दीमागे एक हळवा आणि संवेदशील माणूस असतो. जो लोकांच्या मदतीला असा धावून जातो, याची प्रचिती या घटनेमुळे पुन्हा एकदा चर्चेत आलीय. पोलिसांच्या या तत्परचेचं आणि त्यांनी चालवलेल्या 'ऑपरेशन मातृशक्तीचं' आता सर्वत्र कौतुक होतंय.