Nagpur News: घरात पावासाचं पाणी शिरल्याने भाजपच्या माजी नगरसेवकाला नागरिकांकडून मारहाण

पराग ढोबळे, साम प्रतिनिधी

नागपूरमधील हुडकेश्वर येथे एक धक्कादायक घटना घडलीय. पावसाचं पाणी घरात शिरल्याने संतापलेल्या नागरिकांनी भाजपच्या माजी नगरसेवकाला मारहाण केलीय. दीपक चौधरी, असं माजी भाजप नगरसेवकाचं नाव आहे. जुना सुभेदार भागात सिमेंट रोडचे काम सुरू असल्याने नागरिकांच्या घरात पाणी शिरले, यावरून नागरिकांसोबत दीपक चौधारी यांचा वाद झाला. त्यानंतर या वादाचं रुपांतर हाणामारीत झालं.

नागरिकांनी नगरसेवक चौधरी यांना जबर मारहाण करत त्यांचं डोकं फोडलं. दीपक चौधरी यांच्या डोक्याला दुखापत झाल्यानंतर त्यांना रुग्णालयात दाखल करण्यात आलं आहे. दरम्यान याप्रकरणात हुडकेश्वर पोलीस ठाण्यात गुन्हा दाखल करण्यात आलाय. तसेच दीपक चौधरींविरोधात देखील NC दाखल करण्यात आलाय. मंगेश शेरकर आणि शुभम शेरकर या दोघांवर ३२४ मारहाणीचा गुन्हा दाखल झालाय. तर शेरकर यांच्या तक्रारीवरून माजी नगरसेवक यांच्यावरही अदखलपात्र गुन्हा दाखल करण्यात आलाय.