Buldhana: मॉर्निंग वॉकला गेला अन् कारनं उडवले; बँक कर्मचाऱ्याचा जागीच मृत्यू, बुलढाण्यात खळबळ

Hit-and-Run Incident in Buldhana: बुलढाण्यात मॉर्निंग वॉक करण्यासाठी गेलेल्या व्यक्तीचा अपघाती मृत्यू झाला आहे. घटनास्थळावरून कारचालक फरार झाला असून, पोलीस आरोपीचा शोध घेत आहेत.
Buldhana
BuldhanaSaam
Published On

मॉर्निंग वॉक करण्यासाठी गेलेल्या व्यक्तीचा अपघाती मृत्यू झाला आहे. एका भरधाव वाहनाने एका बँक कर्मचाऱ्याला जोरदार धडक दिली. या अपघातात त्यांचा जागीच मृत्यू झाला. या अपघातानंतर कारचालक घटनास्थळावरून फरार झाला. ही धक्कादायक घटना बुलढाण्यातील शेगाव शहरातील खामगाव रोडवरील शिवांश सेलिब्रेशनजवळ पहाटेच्या सुमारास घडली आहे. पोलिसांना याची माहिती मिळाल्यानंतर त्यांनी घटनास्थळी धाव घेतली. तसेच मृतदेह शवविच्छेदनासाठी रूग्णालयात पाठवले. या प्रकरणी पोलीस अधिक तपास करीत आहेत.

महेंद्र श्रीराम सोंडकर (वय वर्ष ५४, रा. अकोला) असे मृत व्यक्तीचे नाव आहे. महेंद्र नेहमीप्रमाणे मॉर्निंग वॉकला गेले होते. यादरम्यान, एक कार वेगाने येत होती. प्रत्यक्षदर्शींच्या माहितीनुसार, पांढऱ्या रंगाच्या भरधाव वाहनाने सोंडकर यांना जोराची धडक दिली. धडक दिल्यानंतर वाहन चालक घटनास्थळावरून फरार झाला.

Buldhana
12th Board: सस्पेन्स संपला! १२वीचा निकाल उद्या लागणार, पण किती वाजता? कसा पाहायचा? VIDEO

महेंद्र हे घटनास्थळी बेशुद्ध होऊन पडले. ते रक्तबंबाळ झाले. परिसरातील नागरिकांनी तातडीने पोलिसांना याची माहिती दिली. पोलिसांनी घटनास्थळाचा पंचनामा करून मृतदेह सईबाई मोटे सामान्य रुग्णालयात शवविच्छेदनासाठी पाठवला. तसेच अज्ञात वाहनचालकाविरुद्ध गुन्हा दाखल केला.

Buldhana
HSC SSC Result: बारावीचं ठरलं, दहावीचा निकाल कधी जाहीर होणार? महत्वाची अपडेट आली समोर

या प्रकरणी पोलिसांकडून आरोपीचा शोध सुरू असून, परिसरातील सीसीटीव्ही फुटेजच्या आधारे पुढील तपास करण्यात येणार असल्याची माहिती पोलिसांनी दिली. या हिट अँड रन घटनेमुळे परिसरात एकच खळबळ उडाली आहे. तसेच सोंडकर कुटुंबात हळहळ व्यक्त करण्यात येत आहे. यासह आरोपीला तातडीने अटक करून शिक्षा देण्यात यावी अशी मागणीही सोंडकर कुटुंबाने केली आहे.

Buldhana
Beed News: पॅलेस्टाईन अन् गाझा पट्टीतील नागरिकांसाठी मदतीच्या नावाखाली लाटला निधी; एटीएसकडून गुन्हा दाखल

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com