Monsoon Update: आला रे आला, पाऊस आला; राज्याच्या काही भागात पावसाच्या आगमनाने नागरिक सुखावले

Monsoon Update: पावसाची चातकासारखी वाट पाहणाऱ्यांसाठी आनंदाची बातमी आहे. विदर्भातील नागरिकांना पावसाचा मोठा दिलासा मिळणार आहे. आजपासून विदर्भाच्या काही भागात मान्सूनचे आगमन होणार आहे, अशी माहिती हवामान विभागाने दिली आहे. (Latest Marathi News)

राज्यात मान्सून सक्रिय होण्याची शक्यता आहे. पावसामुळे नागरिकांना उकाड्यापासून दिलासा मिळणार आहे. विदर्भात काही भागात आज मान्सूनचे आगमन होणार आहे. पुढील 3-4 दिवसांत महाराष्ट्र, कर्नाटक आणि तेलंगणाच्या आणखी काही भागांमध्ये नैऋत्य मोसमी पाऊस आणखी पुढे जाण्यासाठी परिस्थिती अनुकूल होत आहे, अशी माहिती हवामान विभागाचे तज्ज्ञ के एस होसाळीकर यांनी दिली आहे.

पावसामुळे नागपूरकर सुखावले

विदर्भात मान्सूनचे आगमन झाले आहे. विदर्भातील चंद्रपूर आणि गडचिरोलीमध्ये मान्सून दाखल झाला आहे. बंगालच्या उपसागरावर कमी दाबाचा पट्टा तयार झाल्याने मान्सूनची वाटचाल जोरात सुरू आहे. मुसळधार पावसाने विदर्भात मान्सूनची एन्ट्री झाली आहे. यंदा उशिराने मान्सूनचं आगमन झालं आहे. पुढील तीन ते चार दिवस जोरदार पावसाचा (Rain) हवामान खात्याने इशारा दिला आहे.

वाशिमध्ये जोरदार पाऊस बरसला...

वाशिमच्या मालेगाव तालुक्यातील चांडस परिसरात आज दुपारी जोरदार पाऊस बरसला. मृग नक्षत्र कोरडे गेल्यामुळे आता शेतकऱ्यांच्या नजरा आद्रा नशत्राकडे लागल्या होत्या. आज झालेला दमदार पाऊसाने शेतकरी सुखावला आहे. पाऊस बसल्याने शेतकऱ्यांमध्ये आनंदाचे वातावरण आहे.

वर्धा जिल्ह्यात पावसाचे आगमन

वर्धा जिल्ह्यात सकाळी जोरदार पाऊस कोसळत होता. पावासामुळे वर्धा जिल्ह्यातील नागिराकांना दिलासा मिळाला आहे . मागील एका आठवड्यापासून नागरिक उकाड्याने त्रस्त झाले होते. पावसाच्या आगमनाने बळीराजा सुखावला आहे. पावसामुळे पेरणीच्या कामांना वेग येणार आहे.