भरत मोहळकर, साम टीव्ही, प्रतिनिधी
मराठा समाजाला आरक्षण दिलं नाही तर 288 जागा लढवण्याचा निर्धार मनोज जरांगेंनी केलाय. त्यातच आता 288 नाही तर 88 जागा लढवून त्यापैकी किमान 8 जागा तरी निवडून आणाव्यात, असं आव्हानच मंत्री छगन भुजबळांनी दिलंय. तर जरांगेंनी अप्रत्यक्षरित्या छगन भुजबळांनी दिलेलं आव्हान स्वीकारत असल्याचे संकेत दिलेत.
लोकसभेला जरांगे फॅक्टरने महायुतीची दाणादाण केली. त्यानंतर जरांगेंचा आत्मविश्वास चांगलाच वाढलाय. त्यातच आता राज्यातील 113 आमदारांना पाडणार असल्याचा इशारा जरांगेंनी दिला होता.
त्यानंतर भुजबळांनीही जरांगेंना उत्तर देतांना विधानसभा लढवण्याचं आव्हानच दिलंय. एवढंच नाही तर विधानसभेच्या 88 जागा आरक्षित असून त्याचीही जरांगेंना माहिती नसल्याची खिल्ली उडवलीय.
लढायचं की पाडायचं? याची रणनीती 29 ऑगस्टला ठरवणार असल्याचं मनोज जरांगेंनी म्हटलंय. मात्र जरांगे भुजबळांचं आव्हान स्वीकारून विधानसभेच्या रिंगणात उतरणार की लोकसभेप्रमाणे महायुतीचा गेम करणार? याकडे सगळ्यांचं लक्ष लागलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.