Maharashtra Politics : 'मी सौजन्य सोडलं तर, वाईट...' रविंद्र चव्हाण रामदास कदम यांच्यावर संतापले; भाजप- शिंदे गटात जोरदार जुंपली!

अभिजित देशमुख, साम टीव्ही कल्याण

आगामी विधानसभेच्या तोंडावर महायुतीमध्ये सगळं काही आलबेल नसल्याचं दिसतंय. कारण घटक पक्षातील नेते एकमेकांवर आरोप-प्रत्यारोपांच्या फैरी झाडत टीका करत असल्याचं दिसतंय. आता शिंदे गटाचे नेते रामदास कदम यांनी भाजपन नेते आणि सार्वजनिक बांधकाम मंत्री रवींद्र चव्हाण यांच्यात चांगलीच जुंपल्याचं दिसत (Maharashtra Politics) आहे. आपण याबाबत सविस्तर जाणून घेवू या.

नेमकं काय आहे प्रकरण ?

शिवसेना नेते रामदास कदम यांनी चमकोगिरी करणाऱ्या कुचकामी रवींद्र चव्हाण यांच्या मंत्रीपदाचा फडणवीस यांनी राजीनामा घ्यावा, अशी टीका एका कार्यक्रमात केली (Vidhan sabha election) होती. रामदास कदम यांच्या वक्तव्यानंतर रवींद्र चव्हाण यांनी कदम यांचा खरपूस समाचार घेतलाय. मुख्यमंत्र्यांना एवढेच सांगेन युतीधर्म पाळण्याचा अधिकार फक्त रवींद्र चव्हाण यांचा नाही, तर तो सर्वांनी पाळला पाहिजे. भाजप म्हणून फार सौजन्याने राहण्याचा माझा स्वभाव आहे. मात्र , सौजन्य सोडलं तर अतिशय वाईट पद्धतीने वागायला मी तयार आहे, असा इशारा सार्वजनिक बांधकाम मंत्री रवींद्र चव्हाण यांनी दिलाय.

रवींद्र चव्हाण संतापले

यावेळी बोलताना मंत्री चव्हाण यांनी रामदास कदम यांच्या मुलाच्या मतदारसंघात कोट्यवधी रुपये निधी दिलाय. उद्धव ठाकरे यांच्या नेतृत्वात ते मंत्री होते, त्यांनी कधी कोणतं काम केलं? असा प्रश्न (Ravindra Chavan Against Ramdas Kadam) विचारला. ३५ वर्षांत काहीच काम केलं नाही. कोकणासाठी काहीच केलं नाही. मोठमोठ्या हुशाऱ्या करत असाल तर चालणार नाही. उद्धव ठाकरे यांना फार महत्त्व देणारं कोण राहिलं नाही, असा टोला रामदास कदम यांना लगावला.

रक्षाबंधनाचा कार्यक्रम

रक्षाबंधनानिमित्त सार्वजनिक बांधकाम मंत्री रवींद्र चव्हाण यांच्या डोंबिवलीमधील सावरकर रोड येथील कार्यालयात महिलांनी एकच गर्दी केली (Shinde Group Vs bjp) होती. हजारो महिलांनी रवींद्र चव्हाण यांना राखी बांधली. यानंतर रवींद्र चव्हाण यांच्याकडून महिलांना भेटवस्तू देण्यात आली. या कार्यक्रमादरम्यान रविंद्र चव्हाण यांच्या जीवनपटावरील गाण्याचं देखील प्रकाशन करण्यात आलं होतं.