Maharashtra Politics : देवेंद्र फडणवीसांचं बुलडोझर सरकार! युपीचा बुलडोझर पॅटर्न महाराष्ट्रात, दंगलखोरांच्या घरांवर जेसीबीची कारवाई

मुख्यमंत्री देवेंद्र फडणवीसांचा बुलडोजर पॅटर्न.. नागपूरमध्ये दगडफेक, जाळपोळ करण्यासाठी चिथावणी दिलेला मास्टरमाईंड फहीम खानचं घर नागपूर महापालिकेनं कडेकोट बंदोबस्तात उध्वस्त केलंय..एवढंच नाही तर दंगलीतील आरोपी युसुफ शेखच्या घरावरही बुलडोझर चालवण्यात आलाय...मात्र हीच कारवाई वाल्मिक कराड आणि प्रशांत कोरटकरवर का नाही असा प्रश्न उपस्थित करत कॉंग्रेसने महायुती सरकारवर हल्लाबोल केलाय..

औरंगजेबाच्या कबरीवरुन नागपूरमध्ये दगडफेक आणि जाळपोळीची घटना घडली होती.. त्यानंतर फहीम खान या प्रकरणाचा मास्टरमाईंड असल्याचं समोर आलं... त्यावेळी मुख्यमंत्री फडणवीसांनी दंगलखोरांच्या घरावर बुलडोजर चालवण्याचे स्पष्ट संकेत दिले होते...2022 पासून देवेंद्र फडणवीस गृहमंत्री आहेत. या काळात किती प्रकरणात दंगलखोरांच्या घरांवर बुलडोझर चालवण्यात आलाय? पाहूयात..

फडणवीसांचा बुलडोजर पॅटर्न

- जानेवारी 2023

मुंबई मालवणी परिसरात हिंसाचारानंतर बुलडोझर कारवाई

- 24 मार्च 2025

नागपूर दंगलीनंतर फहीम खानच्या घरावर बुलडोझर

- 23 जानेवारी 2024

मुंबईतील नया नगरमध्ये दगडफेकीनंतर अनधिकृत बांधकामांवर बुलडोझर

घरावर बुलडोजर चालवला जात असताना फहीम खानने उच्च न्यायालयातून कारवाईला स्थगिती मिळवलीय..

आतापर्यंत उत्तर प्रदेश, मध्य प्रदेश, हरियाणा या भाजपशासित राज्यांमध्ये दंगलखोरांच्या घरावर बुलडोजर चालवण्याचा पॅटर्न सुरु होता.. मात्र आता मुख्यमंत्री फडणवीसांनी गुन्हेगारांवर आणि दंगलखोरांवर जरब बसवण्यासाठी बुलडोजर पॅटर्न सुरु केलाय.. त्यामुळे या नव्या पॅटर्नमुळे गुन्हेगारी अटोक्यात येणार का? हे पाहणं महत्वाचं ठरणार आहे....