कोयता हातात घेऊन मलंग रोड चेतना परिसरात भररस्त्यात धिंगाणा घालणाऱ्या मुमताज खानला बेड्या
मध्यरात्री रस्त्यात धिंगाणा घालणाऱ्या मुमताजची कोळशेवाडी पोलिसांनी काढली धिंड
सीएसएमटीवरून गोरेगावला जाणाऱ्या लोकलमध्ये एका गर्दुल्याचा धुमाकूळ
हार्बर लाईनवरून डॉकयार्ड रोडवरून गोरेगावला जाणारी लोकलवर गर्दुल्याचा हैदोस
धावत्या ट्रेनमधून दरवाजावर उभा राहून प्लॅटफॉर्मला असलेल्या नागरिकांना करत होता शिवीगाळ
नाशिकच्या मालेगाव मध्ये मोठी घडामोड,शिवसेना ठाकरे गटाचे उपनेते अद्वय हिरे पुन्हा भाजपात प्रवेश करणार आहे,अद्वय हिरे यांनी मागील विधान सभा निवडणूक ठाकरे गटाकडून लढवली होती,मात्र त्यांच्यावर अनेक प्रकरणात गुन्हे दाखल झाल्याने अखेर त्यांनी पुन्हा भाजपात प्रवेश करण्याचा निर्णय घेतला असून,उद्या ते भाजपात प्रवेश करणार असल्याने मंत्री दादा भुसे यांना भाजपा कडून शह देण्याचा प्रयत्न आगामी महापालिका निवडणुकीत देण्याचा प्रयत्न तर नाही ना अशी चर्चा होत आहे
शरद पवार गटाच्या उमेदवार वर्षा देशमुख यांना दादाच्या राष्ट्रवादीचा पाठिंबा
दोन्ही राष्ट्रवादींनी नगराध्यक्ष पदासह 18 नगरसेवक पदाचे उमेदवार केले उभे.
तर हदगावमध्ये शिंदे शिवसेना व भाजपाची युती.शिदे गटाचे माजी खासदार सुभाष वानखडे यांच्या सुनबाई रोहिणी वानखडे मैदानात.
तर ठाकरे शिवसेनेकडून खासदार नागेश पाटील आष्टीकर यांच्या नेतृत्वात नगराध्यक्ष पदासाठी सिमा गाळप्पा यांचा उमेदवारी अर्ज दाखल.
गडचिरोली जिल्ह्यातील गडचिरोली, आरमोरी आणि देसाईगंज येथे होऊ घातलेल्या नगर परिषदेच्या निवडणुकीच्या नामनिर्देशन दाखल करण्याच्या शेवटच्या दिवशी आज देसाईगंज येथे काँग्रेस पक्षाने वनिता नाकतोडे यांना काँग्रेस पक्षातर्फे नगराध्यक्ष पदासाठी उमेदवारी जाहीर केली असून आज भव्य असे शक्ती प्रदर्शन करीत वनिता नाकतोडे व उर्वरित नगरसेवक पदाच्या उमेदवारांनी आपले नामनिर्देशन दाखल केले यावेळी देसाईगंज शहरातून उमेदवार व कार्यकर्त्यांनी रॅली काढत शक्ती प्रदर्शन केले.
आमदार सतेज पाटील यांचा इशारा
शिवसेनेने कॉंग्रेसचे नगरसेवक फोडल्याने सतेज पाटील आक्रमक
पालकमंत्री प्रकाश अबीटकर यांच्या विरोधात सतेज पाटील आक्रमक
तर आरोग्य मंत्री प्रकाश आबिटकर यांचे सतेज पाटलांना प्रतिउत्तर
आज पिंपरी येथील मुख्य चौकामध्ये एका बसच्या पाठीमागील चाकापासून दूर निघत असल्याचे निदर्शनास आल्यानंतर वाहन चालकाने तात्काळ बसमधील प्रवाशांना खाली उतरवले व बसला भक्ती शक्ती निगडी येथील बस डेपो मध्ये घेऊन गेले
अकोल्यात धक्कादायक घटना समोर आली आहे. नवव्या वर्गात शिकणाऱ्या एका अल्पवयीन शाळकरी विद्यार्थ्यावर ऑटो चालकाने नेलकटरच्या चाकूने हल्ला केल्याची घटना घडली आहे. शाळेतून घरी जाण्यासाठी विद्यार्थ्याने ऑटोमध्ये बसून भाडे दिले. मात्र बाकीचे सुटे पैसे परत मागितल्यावर ऑटो चालकाने हुज्जत घालत नेलकटरमध्ये असलेल्या छोट्या चाकूने विद्यार्थ्याच्या हातावर वार केला.
राज्याचे माजी उपमुख्यमंत्री विजयसिंह मोहिते पाटील व माढ्याचे खासदार धैर्यशील मोहिते पाटील यांचे होमाग्राऊंड असलेल्या अकलूज नगरपालिका निवडणूक तिरंगी होणार आहे. राष्ट्रवादी काॅंग्रेस, राष्ट्रवादी काॅंग्रेस शरदचंद्र पवार पक्ष आणि भाजप अशी लढत होणार आहे.
खासदार धैर्यशील मोहिते पाटील यांनी नगराध्यक्षासह सर्व नगरसेवक पदाचे उमेदवार तुतारी चिन्हावर उभे केले आहेत. तुतारीकडून रेश्मा अडगळे यांना उमेदवारी देण्यात आली आहे. तर ऐनवेळी राष्ट्रवादी काॅंग्रेसने धवलसिंह मोहिते पाटील यांच्या नेतृत्वाखाली निवडणूक लढवण्याचा निर्णय घेतला आहे.
कालच्या छत्रपती शिवाजी महाराज चौक आणि गैबी चौकात दोन्ही गटाच्या कार्यकर्त्यांनी एकत्र येत साजरा केला आनंद
येवल्यात रंगणार भाजप, राष्ट्रवादी अजित पवार गट विरुद्ध शिंदेंची शिवसेना, राष्ट्रवादी शरद पवार गट लढत
राष्ट्रवादी अजित पवार गटाने फक्त भाजपला सोबत घेतल्यानंतर सुहास कांदेंची छगन भुजबळांविरोधात मोठी खेळी
- आमदार संदीप क्षीरसागर यांच्या नेतृत्वात बीडमध्ये शरद पवारांची राष्ट्रवादी उद्धव ठाकरेंच्या शिवसेनेसोबत युती करून लढत आहे.
- नगराध्यक्ष पदासह 52 नगरसेवक पदासाठी अख्खा पॅनल निवडणूक रिंगणात उतरला आहे.
चंद्रपूर जिल्ह्यातील बल्लारपूर नगरपरिषद निवडणुकीसाठी भाजप आणि काँग्रेस उमेदवारांचे उमेदवारी अर्ज आज दाखल करण्यात आले. राज्यातील दिग्गज भाजप नेते आ. सुधीर मुनगंटीवार यांनी उमेदवार रेणुका दुधे आणि पदाधिकाऱ्यांसह रॅलीने जात अर्ज सादर केला. ही नगर परिषद नगरसेवक संख्येच्या दृष्टीने जिल्ह्यातील सर्वात मोठी नगर परिषद असून, शहर न. प. वर भाजपची सत्ता आहे. विकास कामात सातत्यासाठी भाजपला साथ देण्याचे आवाहन आ. मुनगंटीवार यांनी केले तर बल्लारपुरातील विकास कामे करण्याची संधी काँग्रेसला देण्याचे आवाहन काँग्रेसच्या नगराध्यक्षपद उमेदवार अलका वाढई यांनी केले.
कागल नगरपालिकेच्या निवडणुकीमध्ये आज राष्ट्रवादी काँग्रेस व छत्रपती शाहू आघाडीची अनपेक्षितपणे युती झाली, असे स्पष्टीकरण वैद्यकीय शिक्षण मंत्री हसन मुश्रीफ यांनी दिले आहे.
जळगाव जिल्ह्यातील 16 नगरपालिका आणि दोन नगरपरिषदेच्या निवडणुकीसाठी उमेदवारी अर्ज दाखल करण्याचा आज शेवटचा दिवस असल्याने विविध ठिकाणी निवडणूक प्रक्रियेला मोठी गती झाली होती उमेदवारी अर्ज भरण्यासाठी सर्वच नागरी प्रशासन कार्यालयांमध्ये उमेदवारांची आणि त्यांच्या समर्थकांची मोठी गर्दी दिसून आली सकाळपासूनच संभाव्य उमेदवारांनी नामनिर्देशन पत्र दाखल करण्यासाठी रांगा दिसून आले, अर्ज पडताळणीसाठी निवडणूक विभागाचे अधिकारी सतत कामात गुंतलेले दिसत आहेत.
हिंगोली पालिकेच्या निवडणुकीमध्ये विरोधी पक्षापेक्षा महायुती मधील मित्र पक्षांमध्येच निवडणुकीच्या कुस्तीचा सामना रंगला आहे, शिवसेना भाजप नंतर आता हिंगोलीत अजित पवारांच्या राष्ट्रवादीने चक्क एमआयएमचे माजी जिल्हाध्यक्ष बुऱ्हाण प्यारेवाले यांना पक्षात प्रवेश देत त्यांच्या सुनबाई आमीनाबी प्यारेवाले यांना अधिकृत उमेदवारी जाहीर करत निवडणूक अर्ज दाखल केला आहे हिंगोली पालिकेवर निवडणुकीनंतर राष्ट्रवादी काँग्रेस पक्षाचा झेंडा असेल असा दावा देखील यावेळी राष्ट्रवादीच्या नेत्यांनी केला आहे.
पुण्यात तरुणाचा खून
पुण्यातील सिंहगड कॉलेज परिसरातील एका इमारतीजवळ खून
कोयत्याने आणि कुंड्याने मारहाण खून केल्या गेल्याची माहिती
सय्यद असे मृत्यू झालेल्या तरुणाचे नाव असल्याची प्राथमिक माहिती
खून झालेल्या तरुणाचे वय अंदाजे २० पेक्षा कमी असल्याची माहिती
पोलिस घटनास्थळी दाखल
नाशिक -
- देवळाली कॅम्पच्या लहवित परिसरात बिबट्याच दर्शन
- काही नागरिकांनी मोबाईल कॅमेरात केले बिबट्याचे चित्रीकरण
- तारेच्या कंपाउंडवरून बिबट्या उडी मारताना काही नागरिकांनी बघितल्याची माहिती
- वनविभागाकडून बिबट्याचा शोध सुरू
धाराशिव -
नगरपालिका निवडणूक, महसूल आणि पोलीस प्रशासनाचा भोंगळ कारभार
शिवसेनेच्या उमेदवाराचे फॉर्म भरण्यासाठी आलेल्या आमदार तानाजी सावंत यांना पोलीस व महसूल प्रशासनाने 500 फूट अंतरावरच अडवलं
तानाजी सावंत यांच्या बरोबर पत्रकारांनाही गेटवरच ठेवले अडवून
पोलीस व नगरपालिका निवडणुक अधिकाऱ्याने अडवल्याने सावंतानी ही संतप्त होत अधिकाऱ्यांना विचारला जाब
पुणे -
पुण्यातील वडगाव ब्रिज शेजारील ओड्यात अज्ञात व्यक्तीचा मृतदेह आढळला
घटनास्थळी नागरिकांची मोठी गर्दी
मृत व्यक्तीचे वय 50 आसपास असल्याचा अंदाज
घटनास्थळी पोलिस आणि फॉरेस्ट टीम्स दाखल
अधिकचा तपास सुरू
अहिल्यानगर -
अखेर बिबट्याला बाहेर काढण्यात यश
खारे कर्जुने गावातील विहिरीत पडलेल्या बिबट्या बाहेर काढण्याचे ऑपरेशन फत्ते
धाराशिव -
अजित पवाराच्या राष्ट्रवादी काँग्रेसने विधानसभा निवडणुकीत शिवसेनेच्या 60 आमदाराविरोधात काम केलं
शिवसेना नेते माजी आरोग्य मंत्री तानाजी सावंत यांचा नवा गौप्यस्फोट
माझ्याही मतदार संघात दोन्ही राष्ट्रवादी मिळून महायुतीत असताना एकत्र लढले
त्यामुळे मी टीका केल्यावर त्यांना टीका करण्याचा अधिकार नाही राष्ट्रवादीवर केलेल्या टीकेवर सावंत ठाम
हिंगोलीच्या कळमनुरी पालिकेत महाविकास आघाडी मध्ये बिघाडी होण्याची चिन्हे दिसत आहेत, कारण काँग्रेसच्या नेत्या आणि विधान परिषदेच्या आमदार प्रज्ञा सातव यांनी कुरेशी कौसर बेगम निहाल यांचा उमेदवारी अर्ज दाखल केला आहे तर उद्धव बाळासाहेब ठाकरे शिवसेनेच्या वतीने
सुवर्णा चंद्रकांत देशमुख यांनी देखील आपला उमेदवारी अर्ज दाखल केला आहे दरम्यान महाविकास आघाडीची बोलणी सुरू असून अंतिम तोडगा न निघाल्यास आम्ही मैत्रीपूर्ण लढू अशी माहिती शिवसेना जिल्हाप्रमुख गोपू पाटील यांनी दिली आहे.
नांदेड शहरात मोकाट कुत्र्याची दहशत वाढली असून नागरिकांमध्ये भीतीचे वातावरण निर्माण झाले आहे. शहरातील विविध भागांमध्ये तब्बल 48 जणांना कुत्र्याने चावा घेतल्याची माहिती समोर आली आहे. महाबीर चौक, महात्मा गांधी चौक, तारासिंग मार्केट, तसेच तिरंगा चौक परिसरात या पिसाळलेल्या कुत्र्याने दहशत माजवली आहे. दरम्यान, नांदेड महानगरपालिकेच्या पथकांकडून त्या कुत्र्याचा शोधमोहीम सुरू करण्यात आली आहे. कुत्र्याने जखमी केलेल्या सर्व नागरिकांवर शासकीय रुग्णालयात उपचार सुरू असून परिस्थितीवर प्रशासनाची नजर आहे.
बिबट्याच्या नसबंदीसाठी केंद्र सरकारकडून परवानगी मिळाली आहे
बिबट्या पकडण्यासाठी 200 पिंजरे आहेत ते वाढवून 1 हजार केले जाणार
कुत्रे,बकरी नाहक बळी द्यावा लागतो,याबाबत प्राणी मित्र आक्षेप घेतात
बकरी आणि कुत्रे सुरक्षित ठेवून त्याची कारवाई केली
लोकल लोकांना या मोहिमेत घेतले जाणार
ए आय माध्यमातून काही कॅमेरे लावले जाणार,बिबट्या आला की सायरन वाजवले जाणार
11 कोटी रुपये यंत्रणा पुणे जिल्ह्याकरता उभारली जाणार अशीच अहिल्यानगर मधेही यंत्रणा देणार,नाशिक कुंभमेळा मुळे सुरक्षित केले जाणार- वनमंत्री गणेश नाईक
नंदुरबार
उमेदवारी अर्ज करण्याचा आज शेवटच्या दिवस असल्याने इच्छुकांची प्रचंड गर्दी....
नंदुरबार, शहादा, नवापूर आणि तळोदा नगर परिषदेत उमेदवारी अर्ज दाखल करण्यासाठी उमेदवारांची चढाओढ....
उमेदवारी न मिळाल्यांमध्ये मोठ्या पक्षांमध्ये बंडखोरी होण्याची शक्यता.....
नंदुरबार जिल्ह्यात नगराध्यक्षपदासाठी 24 तर सदस्यपदासाठी 317 नामांकनपत्रे दाखल....
नंदुरबार जिल्ह्यातील चार नगरपालिक यांचे एकूण उमेदवारांची संख्या सायंकाळी होईल स्पष्ट....
बुलढाण्यात अकरा नगरपरिषदांच्या निवडणुका होऊ घातल्या आहेत. आज उमेदवारी अर्ज दाखल करण्याचा शेवटचा दिवस आहे आणि त्यासाठी इच्छुक उमेदवार आपला उमेदवारी अर्ज दाखल करण्यासाठी मोठ्या प्रमाणात नगरपरिषदेत गर्दी करत आहेत. अपक्ष आणि राजकीय पक्षांचे उमेदवार आपल्या ताफ्यासह नगरपरिषद कार्यालयात येताना दिसत आहे.उमेदवारी अर्ज दाखल करण्यासाठी उमेदवारांची मोठी रांग आपल्याला बघायला मिळत आहे
राजापूर मधून माजी आमदार हुस्नबानू खलीपे नगराध्यक्ष पदाच्या निवडणूक रिंगणात
महाविकास आघाडी मधून काँग्रेसच्या चिन्हावरती लढवणार निवडणूक
हुस्नबानू खलीपे काँग्रेसकडून विधानपरिषदेच्या होत्या आमदार
माजी आमदार हुस्न बानू खलीपे यांच्याप्रमाणे चिपळूण मधून माजी आमदार रमेश कदम नगराध्यक्ष पदाच्या निवडणूक रिंगणात
प्रतिष्ठेची असलेली बीड नगरपरिषद दोन-तीन दिवसापासून चर्चेत आहे कारण वेळी योगेश क्षीरसागर यांनी राष्ट्रवादी अजित पवार गटाला सोडचिट्टी देत भाजपात प्रवेश केला आणि नंतर थेट आता राष्ट्रवादी अजित पवार गटाकडून बीड नगराध्यक्षपदासाठी शेख मुजीब यांच्या उमेदवारीची घोषणा करण्यात आली असून ते आता अजित पवार गटाच्या राष्ट्रवादीचे उमेदवार म्हणून निवडणूक लढवणार असल्याची माहिती देण्यात आली आहे आणि शेख मुजीब यांचे नाव आता निश्चित करण्यात आले आहे.
छत्रपती संभाजीनगर जिल्ह्यातील सातही नगरपालिकेच्या निवडणुकीत राष्ट्रवादी काँग्रेस स्वतंत्र लढवणार
गंगापूर, कन्नड, खुलताबाद या तीन नगरपालिकेमध्ये नगराध्यक्ष पदासाठी उमेदवारी अर्ज दाखल करणार
राष्ट्रवादी काँग्रेसने भाजप विरोधात गंगापूर आणि खुलताबाद मध्ये दिलेले नगर अध्यक्ष पदाचे उमेदवार
तर कन्नड नगर पालिकेत शिवसेनेच्या विरोधात नगराध्यक्ष पदाचा उमेदवार असणार राष्ट्रवादी काँग्रेसचा
BYTE: सतीश चव्हाण, राष्ट्रवादी काँग्रेसचे जिल्हा अध्यक्ष
बाळासाहेब ठाकरे यांच्या पुण्यतिथीनिमित्त राज ठाकरेंनी त्यांच्या स्मृतीस्थळावर जाऊन अभिवादन केले. याचसोबत त्यांनी एक्स प्लॅटफॉर्मवर पोस्ट शेअर केली आहे.
- नाशिकमध्ये बिबट्या दिसल्याने खबरदारीचा उपाय म्हणून शाळा प्रशासनाने शाळेला दिली सुट्टी
- नाशिकच्या गंगापूर रोड परिसरात आहे भोसला मिलिटरी स्कुल
- दोन दिवसांपूर्वी याच परिसरात काही अंतरावर बिबट्याने घातला होता धुमाकूळ
- वनविभागाने शर्थीचे प्रयत्न करून केलं होतं बिबट्याला जेरबंद
- गेल्या काही दिवसापासून बिबट्यांचा नागरी वस्त्यांमध्ये वाढतोय वावर
आज बाळासाहेब ठाकरे यांची पुण्यतिथी आहे. यानिमित्त राज ठाकरे आणि उद्धव ठाकरे एकत्र बाळासाहेबांच्या स्मृतीस्थळावर दाखळ झाले आहे. त्यांनी बाळासाहेबांच्या स्मृतीचं अभिवादन केले आहे.
परंडा नगरपरिषदेसाठी नगराध्यक्ष पदाचा तानाजी सावंत यांच्या उपस्थितीत शिवसेनेचा उमेदवारी अर्ज दाखल
माजी नगराध्यक्ष जाकीर सौदागर यांचा शिवसेनेकडून उमेदवारी अर्ज दाखल
भाजप, शिवसेना उद्धव बाळासाहेब ठाकरे, राष्ट्रवादी, राष्ट्रवादी शरद पवार सर्व सर्व पक्षांनी एकत्र येत तानाजी सावंत यांच्या यांच्या उमेदवारांविरोधात उभा केला पॅनल
धाराशिवमध्ये परांड्यात सर्वपक्षीय विरुद्ध शिवसेना हाय व्होल्टेज लढत
माजी मंत्री तानाजी सावंत यांनी स्वतः येत उमेदवारी अर्ज दाखल केल्याने निवडणुकीची रंगत वाढली
आज बाळासाहेब ठाकरे यांची पुण्यतिथी आहे. यानिमित्त उद्धव ठाकरे बाळासाहेबांच्या स्मृतीस्थळावर दाखल झाले आहे. आदित्य ठाकरे, रश्मी ठाकरे आणि उद्धव ठाकरेंनी बाळासाहेबांच्या स्मृतीला अभिवादन केले आहे.
कोथरूड पोलिसांकडून गायवळ वर चौथा मोक्का दाखल
बांधकाम व्यावसायिकाला धमकावून १० फ्लॅट बळकावल्याप्रकरणी मोक्का दाखल
गायवळ यासह त्याचा भाऊ सचिन गायवळ वर गुन्हा दाखल करण्यात आला आहे
गायवळ टोळीच्या सदस्यांनी बांधकाम व्यावसायिकाला धमकावून त्याच्याकडून घेतला होता १० फ्लॅट्स चा ताबा
भाजपचे भद्रावती शहराध्यक्ष सुनील नामोजवार यांनी खासदार प्रतिभा धानोरकर यांच्या उपस्थितीत काँग्रेस पक्षात प्रवेश केला. त्यांनाच काँग्रेसने नगराध्यक्ष पदाची उमेदवारी जाहीर करण्यात आली. सुनील नामोजवार भद्रावती नगर परिषदेचे नगराध्यक्ष राहिले आहेत. यावेळीही त्यांना उमेदवारीची अपेक्षा होती. मात्र मात्र शिवसेनेतून भाजपमध्ये आलेल्या अनिल धानोरकर यांना नगराध्यक्ष पदाची उमेदवारी मिळण्याची शक्यता असल्याने नमोजवार हे नाराज होऊन काँग्रेसमध्ये दाखल झाले. अनिल धानोरकर हे काँग्रेस खासदार प्रतिभा धानोरकर यांचे भासरे असून दिवंगत खासदार बाळू धानोरकर यांचे सख्खे मोठे बंधू आहेत. भद्रावती नगरपरिषद निवडणुकीत खासदार प्रतिभा धानोरकर यांची प्रतिष्ठा पणाला असून त्यांनी नामोजवार यांना उमेदवारी देऊन भाजपला मोठा धक्का दिलाय.
बारामती नगरपरिषदेची निवडणूक युगेंद्र पवार लढणार नाहीत
युगेंद्र पवार यांचे 30 नोव्हेंबर रोजी विवाह सोहळा
मुंबईतील बी के सी या भागात योगेंद्र पवार यांचा पार पडणार विवाह सोहळा
युगेंद्र पवार आणि तनिष्का कुलकर्णी यांचा विवाह सोहळा
आज दुपारी ३ वाजेपर्यंत अर्ज दाखल करता येणार.
पुण्यातील अनेक नगरपरिषदा आणि नगरपंचायत चुरशीच्या होण्याची शक्यता
पुणे जिल्ह्यात १४ नगरपरिषद ३ नगरपंचायतीसाठी काल सायंकाळपर्यंत नगरसेवक पदासाठी १०७८ अर्ज तर नगराध्यक्ष पदासाठी ६५ अर्ज दाखल...
५८५ पुरुष उमेदवार तर ४९३ महिला उमेदवारांनी भरला अर्ज..
पुण्याजवळील फुरसुंगी उरुळी देवाची नगरपरिषदेसह,मंचर,माळेगाव या नगरपंचायतची प्रथमच निवडणूक..
काल अनेक जणांनी भरला फॉर्म, फॉर्म भरण्यासाठी अनेक जणांनी शक्ती प्रदर्शन केले.
जळगाव मार्गे धावणारी उधना-ब्रह्मपूर अमृत भारत एक्स्प्रेस सेवा आठवड्याऐवजी आठवड्यातून तीन वेळा करण्यात आली आहे. त्यामुळे प्रवाशांची सोय होणार आहे. या रेल्वेत आधुनिक एलएचबी कोच, आरामदायी आसने, पेंट्री कार, ई-केटरिंग सेवा आहे. रेल्वे क्रमांक १९०२१ आता रविवार, बुधवार आणि शुक्रवारी सकाळी ७:१० वाजता उधना येथून सुटेल आणि दुपारी १२.४५ वाजता जळगाव येथे पोहोचेल. त्यानंतर ब्रह्मपूरसाठी रवाना होईल. तसेच रेल्वे क्रमांक १९०२२ ही सोमवार, बुधवार आणि शुक्रवारी ब्रह्मपूरहून रात्री ११:४५ वाजता सुटेल आणि दुसऱ्या दिवशी मध्यरात्री २.३८ वाजता जळगाव पोहोचेल आणि उधनासाठी रवाना होईल. या गाडीला उधना, बारडोली, व्यारा, नवापूर, नंदुरबार, जळगाव, भुसावळ, मलकापूर, अकोला, नागपूर, रायपूर, दुर्ग, गोंदिया, महासमुंद, रायगडा आणि ब्रह्मपूर येथे प्रमुख थांबे असतील. त्यामुळे प्रवाशांची मोठी सोय झाली आहे.
जबरी चोरी, खंडणी, विनापरवाना अग्निशस्त्र बाळगणे, अपहरण अशा गंभीर गुन्ह्यातील कुख्यात गुंड आरोपी रबज्योतसिंघ तिवाणा उर्फ गब्या गेल्या काही दिवसापासून फरार होता, या वांटेड गब्यावर पोलीस लक्ष ठेवून होते. अखेर कुख्यात गुंड रबज्योतसिंघ तिवाणा हा घरी असल्याची माहिती पोलिसांना मिळाल्यानंतर पोलिसांनी कारवाई केली, कारवाईदरम्यान आरोपीने पोलिसांवर गोळीबार करण्याचा प्रयत्न केल्याने पोलिसांनी स्वतःच्या बचावासाठी आरोपीवर गोळीबार केला, पोलिसांनी गोळीबार केल्यानंतर आरोपी स्वतःचा बचाव करण्यासाठी खाली वाकल्याने आरोपीच्या पायावर मारलेली गोळी आरोपीच्या कमरेवर लागली आहे. अशी माहिती पोलिसांनी दिली आहे. आता गब्यावर नांदेडच्या सरकारी दवाखान्यात उपचार सुरू आहेत. वजीराबाद पोलीस व स्थानिक गुन्हे शाखेने ही कारवाई केली आहे.
खारे कर्जुने येथे पाच दिवसांपूर्वी एका पाच वर्षीय बालिकेवर हल्ला करून बिबट्याने घेतला होता तिचा जीव...
तर दोन दिवसांपूर्वी इसळक गावात एका बालकावर बिबट्याने हल्ला करून केले होते जखमी...
या घटने नंतर खारेकर्जुन,निंबळक, इसळक गावातील ग्रामस्थांनी रस्ता रोको करून केली होती बिबट्याला ठार मारण्याची मागणी...
वन विभागाला बिबट्याला ठार मारण्याची परवानगी मिळाली असली तरी रात्री बिबट्या पिंजऱ्यात अडकल्याने आता तो नरभक्षक बिबट्या आहे की दुसराच बिबट्या अडकला या बाबत वनविभाग करणार तपासणी...
मुंबई या ठिकाणी महानगर गॅस चा दुरुस्तीचा फटका ठाण्यातील CNG पंप ला देखील बसला आहे. ठाण्यातील पंप वर देखील आज पहाटे पासून रिक्षा चालकांनी रांगा लावल्या आहेत. आज शाळेतील विद्यार्थ्यांना देखील याचा फटका बसला आहे. त्यांच्याशी बातचीत केली आहे. विकास काटे यांनी
धुळ्यात आज थंडीचा कहर चांगलाच वाढल्याचे बघावयास मिळत आहे, धुळ्यात संध्याकाळ होताच जागोजागी शेकोट्या पेटल्याचे दिसून येत आहे, त्याचबरोबर नागरिकांनी वाढत्या थंडीपासून आपल्या शरीराचा बचाव करण्यासाठी गरम व उबदार कपडे घेण्यास दुकानांमध्ये गर्दी देखील केल्याचे दिसून येत आहे, गेल्या काही दिवसांपासून धुळ्यात थंडीचा जोर चांगलाच वाढला आहे, आज धुळ्यामध्ये 8°c सेल्सिअस इतक्या तापमानाची नोंद करण्यात आली आहे, राज्यातील सर्वात नीचांकी तापमान हे आज धुळ्यात नोंदविले गेले आहे, त्यामुळे धुळेकर नागरिक वाढत्या थंडीमुळे चांगलेच गारठले असून यापुढे देखील थंडीचा जोर अशाच प्रकारे कायम राहणार असल्याचा अंदाज हवामान विभागातर्फे वर्तविण्यात आला आहे.
मनमाड नगरपरिषदेच्या निवडणुकीत सेना-भाजप युती होणार की नाही हे अखेर पर्यंत ठरत नव्हते मात्र काल रात्री उशिरा मनमाड-नांदगाव भाजपा निवडणूक प्रमुख यांच्या उपस्थितीत दोन्ही पक्षांनी एकमेकांना युतीचे पत्र दिल्याने मनमाड मध्ये झाल्याचे जाहीर केले,मात्र दुसरीकडे शिवसेना ठाकरे गटाचे माजी नगराध्यक्ष गणेश धात्रक यांनी काही महिन्यांपूर्वी आपल्या सहकाऱ्यांसह भाजपात प्रवेश केला होता,ते मात्र या युतीतून बाहेर पडले असून आज ते कुठल्या पक्षा कडून उमेदवारी अर्ज दाखल करणार याकडे लक्ष लागले आहे
बारामती नगर परिषदेच्या नगराध्यक्ष पदाच्या उमेदवारांची आज घोषणा होणार आहे. उमेदवारी दाखल करण्याचा आजचा शेवटचा दिवस आहे. शेवटच्या दिवसापर्यंत राष्ट्रवादी काँग्रेस अजित पवार गटाकडून आणि शरद पवार गटाकडून नगराध्यक्ष पदाचे उमेदवार जाहीर करण्यात आलेले नाहीत. त्यामुळे आज या दोन्ही गटांकडून नगराध्यक्ष पदाच्या उमेदवारांची घोषणा होणार आहे. अजित पवार नगराध्यक्षपदी कोणाला संधी देतात आणि अजित पवारांच्या उमेदवाराच्या विरोधात शरद पवार गट कोणाला मैदानात उतरवतो याची उत्सुकता लागली आहे. इंदापूर नगरपरिषद निवडणुकीसाठी प्रदीप गारटकर नगराध्यक्ष पदासाठी आज आपला उमेदवारी अर्ज करणार दाखल करणार असून राष्ट्रवादी काँग्रेस अजित पवार गटाचे प्रदीप गारटकर पुणे जिल्हा अध्यक्ष आहेत या अध्यक्षपदाचा आज गारटकर राजीनामा देणार आहेत
घरगुती सिलेंडरमधून कमी क्षमतेच्या सिलेंडरमध्ये गॅस काढून तो काळ्या बाजारात विकला जात असतानाचे अनेक प्रकार होत असतानाच आता पुण्यातून एक धक्कादायक घटना समोर आली आहे. गॅस सिलेंडर वितरण करायला गेलेल्या कर्मचाऱ्यांची नजर चुकवून सिलेंडर चोरी करणाऱ्याला खडकी पोलिसांनी अटक केली आहे. धक्कादायक म्हणजे त्याच्याकडून तब्बल २३ सिलेंडर मिळून आले असून तो एक रॅकेट चालवत होता अशी माहिती समोर आली आहे. पुण्यातील खडकी परिसरात कर्मचारी सिलेंडर चे वितरण करण्यासाठी गेल्यावर टेम्पच्या मागील बाजूस येऊन हा तरुण सिलेंडर काढून स्वतः च्या खांद्यावर घेऊन पसार होत असे. वारंवार तक्रारी आल्याने पोलिसांनी सी सी टिव्ही च्या माध्यमातून त्याला पकडले आहे. त्याच्याकडून तब्बल २३ सिलेंडर मिळून आले आहेत.
आज उमेदवारी अर्ज दाखल करण्याचा शेवटचा दिवस आणि त्यापूर्वीच धाराशिव मध्ये महाविकास आघाडीमध्ये बिघाडी पाहायला मिळत आहे. राष्ट्रवादी शरद पवार पक्षाने स्वतंत्र लढण्याची घोषणा दिली आहे. चर्चेच्या तीन ते चार फेऱ्या होऊनही समाधानकारक जागा मिळत नसल्याने राष्ट्रवादीने हा निर्णय घेतला. धाराशिव मध्ये राष्ट्रवादीकडून दहा जागांची मागणी केली जात होती मात्र त्यांना सहाच जागा दिल्या गेल्या. त्यामुळे नाराज असणाऱ्या राष्ट्रवादीकडून स्वतंत्र लढण्याचं जाहीर करण्यात आलं. जिल्हाध्यक्ष प्रतापसिंह पाटील यांच्याकडून स्वतंत्र लढण्याची घोषणा
नाशिकच्या मालेगाव तालूक्यातील डोंगराळे येथे खळबळ उडवणारी घटना घडली आहे.गावातील एका तीन वर्षीय लहानग्या मुलीवर विजय संजय खेरनार या २४ वर्षीय युवकाने अत्याचार करुन नंतर तिला ठार मारले,या घटने मुळे गावात संतापाचे वातावरण निर्माण झाले होते.घटनेची माहिती मिळताच मालेगाव तालूका पोलिसांनी घटनास्थळी धाव घेत आरोपीला ताब्यात घेतले रात्री उशिरा तिचा मृतदेह मालेगाव मेडिकल कॉलेज मध्ये श्वविच्छेदनासाठी पाठवण्यात आला.रात्री उशिरा पर्यंत तक्रार दाखल करण्याचे काम सुरु होते.तालूका पोलिस घटनेचा अधिक तपास करीत आहे.
गेल्या अनेक वर्षात पासून शिवसेनेसोबत एकनिष्ठपणे काम करणारे हिरालाल चौधरी यांना स्थानिक स्वराज्य निवडणुकीत उमेदवारी न मिळाल्याने ते नाराज होते, आखर त्यांनी शिवसेना सोडत भाजपमध्ये अधिकृतरित्या प्रवेश केला आहे त्यांच्या प्रवेशाने भाजपची ताकद वाढणार असून हा शिवसेनेला ऐन निवडणुकीत मोठा झटका मानला जातोय...
यवतमाळ जिल्ह्यात दहा नगरपरिषद व एका नगरपंचायतीमध्ये 637 नामांकन अर्ज दाखल झाले तर नगराध्यक्ष पदासाठी 40 जणांनी नामांकन दाखल केली आहे. आज नामांकन दाखल करण्याचा शेवटचा दिवस असल्याने याहीपेक्षा अधिक गर्दी होण्याची शक्यता आहे तसेच पक्षाच्या उमेदवारांना एबी फॉर्म ही जोडवायचा आहे त्यामुळे शेवटच्या दिवशी मोठी गर्दी उसळणार आहे.
संपूर्ण भारतीय तंत्रज्ञानाचा वापर करून आखलेल्या व प्रत्यक्षात अमलात आणलेल्या अंतराळ मोहिमांमुळे जगावर छाप सोडल्यानंतर आता यंदा वर्षभरात सात प्रक्षेपण मोहिमांचे नियोजन भारतीय अवकाश संशोधन संस्थेने (इस्रो) केले असून २०२८ पर्यंत 'चांद्रयान-४' मोहीम अमलात आणण्याच्या प्रस्तावाला केंद्र सरकारने मंजुरी दिली आहे
छत्रपती संभाजीनगर जिल्ह्यातील सहा नगरपालिका आणि एका नगरपंचायत निवडणुकीसाठी रविवार संध्याकाळपर्यंत ४०९ उमेदवारांनी आपले उमेदवारी अर्ज दाखल केले आहेत. त्यात अध्यक्ष पदासाठी २० आणि सदस्य पदासाठी ३८९ उमेदवारांनी उमेदवारी अर्ज दाखल झाले आहेत. आज उमेदवारी अर्ज भरण्याचा शेवटचा दिवस आहे.
यवतमाळ जिल्ह्यात पाच लाख हेक्टर वर कापसाची लागवड करण्यात आली यानंतरही नोव्हेंबर मध्ये एक लाख शेतकऱ्यांनी कापूस विक्रीसाठी ऑनलाईन नोंद केली आहे यातील मोजक्यात शेतकऱ्यांना स्टॉल बुकिंग करता आली यातून केवळ सात हजार क्विंटल कापसाची सीसीआयला विक्री करता आली तर शेतकरी वेटिंग वर आहे जिल्ह्यात कापूस उत्पादक शेतकऱ्यांना विविध अडचणीचा सामना करावा लागत असून एकूण कापूस उत्पादक शेतकऱ्यांपैकी केवळ 20% टक्के शेतकऱ्यांनाच कापसाची ऑनलाइन नोंदणी करता आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.