VIDEO: भाजपकडून विधानपरिषदेवर कुणाला संधी? पंकजा मुंडे मंत्री, दानवे होणार आमदार?

विधानपरिषदेच्या 11 जागांसाठी होणाऱ्या निवडणुकीची धामधूम सुरू झालीय. सत्ताधारी महायुतीत सर्वात मोठा पक्ष असलेला भाजप सर्वाधिक जागा लढवणार आहे. भाजपनं पाच जणांची विधानपरिषदेवर वर्णी लावण्यासाठी 10 जणांची नावं केंद्रीय नेतृत्वाकडे पाठवली आहेत. यात

भाजपकडून विधानपरिषदेसाठी ही नावं हायकमांडकडे?

पंकजा मुंडे, बीड

अमित गोरखे, पिंपरी-चिंचवड

परिणय फुके, भंडारा

सुधाकर कोहळे, नागपूर

योगेश टिळेकर, पुणे

निलय नाईक, यवतमाळ

हर्षवर्धन पाटील, इंदापूर

रावसाहेब दानवे, जालना

चित्रा वाघ, मुंबई

माधवी नाईक, ठाणे

या दहा नेत्यांच्या नावांचा समावेश असल्याची माहिती सूत्रांनी दिलीय.

याव्यतिरिक्त महादेव जानकरांनाही संधी दिली जाण्याची शक्यता आहे. लोकसभा निवडणुकीत मराठवाड्यात महायुतीला मोठा फटका बसलाय. त्यामुळे पंकजा मुंडे, रावसाहेब दानवे आणि जानकरांना संधी मिळणार असल्याचं बोललं जातंय.

पंकजा, दानवे, जानकरांना का संधी?

लोकसभा निवडणुकीत मराठवाड्यात महायुतीला मोठा फटका बसला. पंकजांची वर्णी लागल्यास ओबीसी समाजाची नाराजी दूर होण्याची शक्यता आहे. दानवेंना संधी दिल्यास मराठा समाजाचीही नाराजी दूर होऊ शकते. जानकरांची वर्णी लागल्यास धनगर समाजालाही गोंजारता येणार, असं बोललं जात आहे.

तर दुसरीकडे माजी मंत्री हर्षवर्धन पाटलांच्या पुनर्वसनाचीही शक्यता आहे. यामुळे मात्र हर्षवर्धन पाटलांची इंदापूरमधून विधानसभा लढण्याची संधी हुकण्याची चिन्ह आहे. याचा मात्र मोठा दिलासा अजितदादांच्या राष्ट्रवादीचे दत्ता भरणेंना मिळणार आहे. त्यामुळे महायुतीतला जागांचा तंटा सोडवण्यास मदत होण्याची शक्यता आहे. तर धनगर, ओबीसी आणि मराठा नेत्यांचं पुनर्वसन करून सामाजिक समीकरणांच्या आधारावर विधानसभेत सत्तेचं समीकरण जुळणार का हे पाहणं महत्तावाचं आहे.