Maharashtra Kesari: धाराशिवात लाल मातीत कुस्तीचा डाव रंगणार; ६५ व्या महाराष्ट्र केसरी कुस्ती स्पर्धेची तारीख जाहीर

Maharashtra Kesari In Marathi

६५ व्या महाराष्ट्र केसरी कुस्ती स्पर्धेचा थरार यंदा धाराशिवमध्ये रंगणार आहे. १ नोव्हेंबर ते ५ नोव्हेंबर पाच दिवस ही स्पर्धा चालणार असल्याची माहिती महाराष्ट्र राज्य कुस्तीगीर परिषदेने दिली आहे. (Latest Marathi News)

महाराष्ट्र राज्य कुस्तीगीर परिषदेने यंदा होणाऱ्या ६५ व्या महाराष्ट्र केसरी कुस्ती स्पर्धेची घोषणा करण्यात आली आहे. धाराशिवात या स्पर्धेचा थरार पाच दिवस चालणार आहे. आज महाराष्ट्र राज्य कुस्तीगीर परिषदेने जाहीर केलेल्या या स्पर्धेत ९०० खेळाडू सहभागी होणार आहेत.

या स्पर्धेत विजेत्यांना स्कॉरपिओ,ट्रॅक्टर, बुलेटसोबत जवळपास दोन कोटी रुपयांची बक्षिसे दिली जाणार आहेत. लाल मातीच्या मैदानात रंगणाऱ्या या स्पर्धेचा थरार धाराशिवात चौका-चौकात स्क्रिनवर पाहायला मिळणार आहे.

या स्पर्धेचा थरार हा स्टेडियमच्या आत आणि बाहेर देखील चौका चौकात स्क्रीनद्वारे पाहायला मिळणार आहे. धाराशिवात होणाऱ्या स्पर्धेचे आयोजक धाराशिव जिल्हा तालीम संघ,आदर्श शिक्षण प्रसारक मंडळ हे स्पर्धेचे आयोजक असणार आहेत.

याच अनुषंगाने महाराष्ट्र राज्य कुस्तीगीर परिषदेची बैठक आज झाली. यावेळी त्यांनी स्पर्धेबद्दल सविस्तर माहिती देण्यात आली.