Maharasahtra Heatwave: विदर्भात सूर्य कोपला, प्रत्येक जिल्ह्याचा पारा 42 पार, नागपुरात शाळांना सुट्टी

राज्यात सध्या तापमान खूप जास्त वाढताना दिसत आहे. घराबाहेर पडल्यावर घामाच्या धारा लागतात. दरम्यान, महाराष्ट्रात सर्वाधिक तापमानाची नोंद विदर्भात झाली आहे. विदर्भात तीव्र उष्णतेच्या लाटेचा इशारा कायम देण्यात आला आहे. त्यामुळे नागरिकांनी कडक उन्हात बाहेर न पडण्याचे आवाहन केले आहे. तसेच अनेक जिल्ह्यांमध्ये शाळा-कॉलेजला सुट्टी देण्यात आली आहे.

नागपूरात शाळांना सुट्टी (School Holiday in Nagpur)

विदर्भात तापामानाचा पारा वाढतच आहेत. वाढतं तापमान आणि उष्ण लाटेच्या पार्श्वभूमीवर नागपूर जिल्हा प्रशासनाने महत्त्वाचा निर्णय घेतला आहे. आज नागपुरात शाळा-कॉलेजला सुट्टी असणार आहे. विद्यार्थ्यांना उष्णतेचा त्रास होऊ नये, त्यामुळे हा निर्णय घेण्यात आला आहे.

विदर्भात सर्वाधिक तापमान (Vidharbha Heatwave)

विदर्भात सर्वात जास्त तापमान आहे. अमरावतीत तर ४४.४ अंश सेल्सियस तापमानाची नोंद करण्यात आली आहे. विदर्भातील सहा जिल्ह्यांमध्ये तापमान ४४ अंश सेल्सियलपेक्षाही जास्त आहे. अकोला हा तर जगातील सर्वाधिक तापमान असलेल्या जिल्ह्यांमध्ये दुसऱ्या क्रमांकावर होता. दरम्यान, काल अकोल्याच्या तापमानात किंचिंत घट झाली होती. मात्र, अमरावती, चंद्रपूर, वर्धा, नागपूर, वाशीम आणि गडचिरोलीच्या तापमानात वाढ झाली आहे.

विदर्भातील शहरांचे तापमान (Vidharbha District Weather Update)

अकोला - 44.1

अमरावती - 44.4

भंडारा - 42.0

बुलढाणा - 41.2

चंद्रपूर - 43.6

गडचिरोली - 44.0

गोंदिया - 42.9

नागपूर - 44.0

वर्धा - 44.4

वाशीम - 44.0

यवतमाळ - 42.8