फय्याज शेख, साम टीव्ही
प्रेमसंबंधातून नवऱ्यालासोबत घेऊन प्रेयसीने आपल्या बॉयफ्रेंडचा काढला आहे. ही धक्कादायक घटना पालघर जिल्ह्यातील जव्हार तालुक्यातील जामसर गावात घडली असून, या प्रकरणी पोलिसांनी तपास करत आरोपी प्रेयसी आणि तिच्या नवऱ्याला अटक केली आहे. पोलिसांच्या तपासात प्रेमसंबंधाच्या पार्श्वभूमीवर तरूणाची हत्या झाल्याचं उघड झालं आहे. या घटनेची माहिती समोर आल्यानंतर परिसरात एकच खळबळ उडाली आहे.
मृत तरूणाचे नाव सोमनाथ दिघे असे होते. तो ३० वर्षांचा होता. तर, मालवंती दिघे आणि दीपक दिघे असे दोन्ही आरोपींचे नाव आहे. २ दिवसांपूर्वी कामावरून परतत असताना रस्त्यात त्याची प्रेयसी दिसली. प्रेयसी भेटल्यानंतर मागून तिचा नवरा आला. दोघांनी मिळून त्यांनी सोमनाथवर धारदार शस्त्राने वार केले. यात त्याचा जागीच मृत्यू झाला.
प्रेमसंबंधातून संशय त्यातून कट
तरूणाची हत्या झाल्यानंतर पोलिसांनी तातडने घटनास्थळ गाठले. तसेच पोलिसांनी तपासाला सुरूवात केली. पोलीस तपासात समोर आलं की, मालवंती आणि सोमनाथ या दोघांचं लग्नाआधीपासून प्रेमसंबंध होतं. मात्र, त्यानंतर मालवंती आणि दीपकचं लग्न झालं. लग्न झाल्यानंतरही दोघांमधील संबंध कायम होते. यामुळे दीपकला वारंवार संशय येत होता.
दीपक आणि मालवंतीमध्ये कायम भांडणं होत. अखेर मालवंतीच्या मदतीने दीपकने सोमनाथला संपवण्याचा कट रचला आणि अंमलात आणला. दीपकने धारदार शस्त्राने वार करत सोमनाथला संपवलं. या हत्येनंतर जव्हार पोलीस ठाण्यात गुन्हा दाखल करण्यात आला होता. पोलिसांनी तातडीने तपासाला सुरूवात केली. पोलिसांनी तपास करत दोघांना अटक करत त्यांची चौकशी केली. चौकशीत दोघांनी गुन्ह्याची कबूली दिली. सध्या दोघे आरोपी कोठडीत असून, पुढील तपास पोलिसांकडून सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.