Jalna Bajar Samiti : जालना बाजार समिती प्रशासकीय मंडळ नियुक्तीला हायकोर्टात आव्हान; अर्जुन खोतकरांसह १५ जणांना नोटीस

जालना : जालना कृषी उत्पन्न बाजार समितीमध्ये राज्य शासनाच्या वतीने करण्यात आलेल्या प्रशासकीय (Bajar Samiti) मंडळाच्या नियुक्तीला मुंबई उच्च न्यायालयाच्या संभाजीनगर खंडपिठात आव्हान देण्यात आले आहे. (Jalna) खंडपिठाने याचिकाकर्ता यांची रिट याचिका स्विकृत करून मुख्य प्रशासक अर्जुन खोतकर, प्रशासक भास्कर दानवे यांच्यासह पंधरा प्रशासकांना नोटीसा बजावल्या आहेत.  (Breaking Marathi News)

जालना कृषी उत्पन्न बाजार समितीच्या संचालक मंडळाचा कार्यकाळ पुर्ण झाल्यानंतर राज्य शासनाच्या सहकार खात्याने जालना जिल्हा निबंधक अनिल दाबशेडे यांची बाजार समितीचे प्रशासक म्हणून नियुक्ती केली होती. राज्य सरकारने मागील काही महिन्यांपुर्वी प्रशासकाची नेमणूक रद्द करून त्या ठिकाणी मुख्य प्रशासक म्हणून (Arjun Khotkar) अर्जुन खोतकर यांच्यासह प्रशासकीय मंडळ नियुक्त करण्याचे आदेश निर्गमित केले होते. राज्य शासनाने केलेली ही नेमणूक बेकायदेशीर असल्याचे सांगून दिलीप रामराव शिंदे यांनी वकीलामार्फत महाराष्ट्र प्रशासकीय मंडळा विरूध्द मुंबई उच्च न्यायालयाच्या (Sambhajinagar) संभाजीनगर खंडपिठात रिट याचिका दाखल केली होती.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा) -

नोटीस बजावत २३ ला हजर राहण्याचे निर्देश 

या सुनावणीनंतर १५ एप्रिलला संभाजीनगर खंडपिठाने मुख्य प्रशासक अर्जुन खोतकर, प्रशासक भास्कर दानवे यांच्यासह प्रशासकीय मंडळातील प्रशासकांना नोटीस बजावत २३ एप्रिल रोजी सुनावणीसाठी हजर राहण्याचे निर्देश दिले आहे. त्यामुळे अर्जुन खोतकर, भास्कर दानवे यांच्या अडचणीत वाढ झाली आहे.