Jalgaon News : दार उघडताच दिसला बहिणीचा मृतदेह; मुलीने संपविली जीवनयात्रा

जळगाव : जळगाव शहरातील मेहरुणच्या शाळेत वाचमन दाम्पत्य कामानिमीत्त बाजारात गेले होते. या दरम्यान (Jalgaon) घरात एकट्या असलेल्या सतरा वर्षीय मुलीने गळफास घेत आत्महत्या केल्याची घटना १७ फेब्रुवारीला संध्याकाळच्या सुमारास घडली. (Latest Marathi News)

जळगाव शहरातील मेहरुण परिसरातील रामेश्वर कॉलनीतील शाळेच्या परिसरात वॉचमन असलेले कुटुंब वास्तव्यास आहे. शाळेत काम करण्यासह दिवसा मोलमजुरी करणाऱ्या शालिक पवार यांच्याकडे दुपारी शिक्षकांनी (School) शाळा बंद झाल्यानंतर चावी दिली. त्यानंतर पवार व त्यांची पत्नी कामासाठी बाहेर निघून गेले. त्यावेळी घरी एकटीच असलेल्या विशाखा पवार (वय १७) या मुलीने खोलीचा दरवाजा लोटून घेत रूममध्ये गळफास घेतला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दार लोटताच दिसला मृतदेह 
बहीण विशाखा कुठे म्हणून भाऊ शोध घेत होता. यानंतर घराचे दार लोटले असता  त्याला गळफास घेतलेल्या अवस्थेत बहिण विशाखा दिसून आली. हे दृश्य पाहून घाबरलेल्या अवस्थेत तो बाहेर आला. शेजाऱ्यांच्या मदतीने विशाखाला शासकीय वैद्यकीय महाविद्यालय व रुग्णालयात नेण्यात आले. यानंतर डॉक्टरांनी तिला मृत घोषित केले.