Gondia Accident : अंत्यदर्शनाला जाणाऱ्यांच्या गाडीला भीषण अपघात; अपघातात तिघांचा मृत्यू

शुभम देशमुख 
गोंदिया : जैन धर्मियांचे दिगंबर पंथियाचे संत आचार्य विद्यासागर महाराज यांचे रात्रीच्या सुमारास वृद्धापकाळाने निधन झाले. (Gondia) त्यांच्या अंतिम दर्शनासाठी जाणाऱ्या भाविकांच्या गाडीला भीषण अपघात झाला. या अपघातात (Accident) गाडीतील तीन जणांचा जागीच मृत्यू झाला आहे. तर अन्य तिघे गंभीर जखमी आहेत. (Live marathi News)

जैन धर्मियांचे दिगंबर पंथीयांचे सर आचार्य विद्यासागर महाराज यांचे छत्तीसगडच्या डोंगरगड येथे रात्री २ वाजून ३५ मिनिटांनी वृद्धपकाळाने निधन झाले. (Madhya Pradesh) मध्यप्रदेश राज्यातील रिवा जिल्ह्यातून छत्तीसगडच्या डोंगरगडकडे भाविक संत आचार्य विद्यासागर महाराज यांच्या अंत्यदर्शनला निघाले होते. दरम्यान गोंदिया जिल्ह्यातील सालेकसा तालुक्यातील पानगाव येथे गाडी अनियंत्रित झाल्याने पुजारीटोला धरणाच्या कालव्यामध्ये कोसळली.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बुडून झाला मृत्यू 

अंत्यदर्शनाला जाणाऱ्या भाविकांच्या गाडीचा गोंदियाच्या पानगाव येथे पुजारीटोला धरणाच्या कालव्यात गाडी कोसळली. दरम्यान कालव्यामध्ये पाणी असल्याने पाण्यात बुडून गाडीतील तिन भाविकांचा दुर्दैवी मृत्यू झाला आहे. तर तर अन्य तिघे भाविक गंभीर जखमी झाले असून त्यांच्यावर सालेकसा येथील ग्रामीण रुग्णालयात उपचार सुरू आहे.