Jamner Accident : कारची रिक्षाला जोरदार धडक; तरुणाचा मृत्यू, पाच प्रवासी जखमी

जामनेर (जळगाव) : भरधाव वेगाने येत असलेल्या येणाऱ्या चारचाकी वाहनाने पॅगो प्रवासी रिक्षाला जोरदार धडक (Jalgaon) दिली. या अपघातात रिक्षामधील एकजण जागीच ठार (Accident) झाला असून, ५ प्रवासी जखमी झाले आहेत. मृत व जखमी टाकळी खुर्द (ता. जामनेर) येथील रहिवासी आहे. (Tajya Batmya)

सदरचा अपघात जामनेर- टाकळी (Jamner) दरम्यान १९ मार्चला मध्यरात्री एकच्या सुमारास घडला. रवींद्र आनंदा बावस्कर (वय ३०) असे मृताचे नाव आहे. टाकळी खुर्द येथील रवींद्र हा गाडेगाव येथील कंपनीत कामाला होता. १९ मार्चला रात्रीची शिफ्ट आटोपून रिक्षाने गावाकडे घरी निघाला होता. या दरम्यान समोरुन भरधाव वेगाने येत असलेल्या कारने रिक्षाला जोरदार धडक दिली. यामुळे रिक्षा दूरवर फेकली गेली. यात तरुणाचा जागीच मृत्यू (Death) झाला. तर अन्य प्रवाशी जखमी झाले आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अपघातातील जखमींना ग्रामस्थांनी तातडीने जामनेर उपजिल्हा रुग्णालयात हलविण्यात आले. जखमींमध्ये सुनील मुरलीधर सातव, रिक्षा चालक रामेश्वर बाजीराव मोरे, अनिल मुरलीधर सातव, अजय किरण चौरे व जीवन विकास अहिरे अशी जखमींची नावे आहे. राजू देवचंद बावस्कर (रा. टाकळी खुर्द, ता. जामनेर) यांचे फिर्यादीवरून कारचालकाविरुद्ध पोलिसात गुन्हा दाखल केला आहे.