Gram Panchayat Result: गुजरात भाजप प्रदेशाध्‍यक्षांच्‍या कन्‍येचा विजय; मात्र पॅनलला बसला धक्‍का

जळगाव : संपूर्ण राज्याचे लक्ष लागून असलेल्या जळगाव जिल्ह्यातील (Jamner) जामनेर तालुक्यात असल्यातील मोहाडी ग्रामपंचायतीच्या निवडणुकीत (Gujrat) गुजरात भाजपचे प्रदेशाध्यक्ष सी. आर. पाटील यांच्या कन्या भाविनी पाटील या विजयी झाल्या. ((Live Marathi News)

ग्रामपंचायत (Gram Panchayat) निवडणुकींचा निकाल सर्वत्र जाहीर होत आहे. निकालाचा टप्‍पा देखील अंतिम टप्‍प्‍यात असून काही ठिकाणी धक्‍कादायक निकाल समोर येत आहेत. यात मंत्री गिरीश महाजन (Girish Mahajan) यांचा मतदार संघ असलेल्‍या जामनेर तालुक्‍यातील ग्रामपंचायतींकडे विशेष लक्ष होते. मुख्‍य म्‍हणजे या निवडणुकीत गुजरात (BJP) भाजपचे प्रदेशाध्यक्ष सी. आर. पाटील यांच्या कन्या भाविनी पाटील यांच्‍या निकालाकडे लक्ष लागले होते. यात भाविनी पाटील यांनी विजय मिळविला आहे.

पॅनलला पराभवाचा धक्‍का

भाविनी पाटील यांचा विजय झाला असला तरी मोहाडी ग्रामपंचायतीत त्यांचे ग्रामविकास पॅनल पराभूत झाले आहे. भाविनी पाटील यांच्या पॅनलला भाजप प्रणितच लोकशाही उन्नती पॅनलने पराभवाचा धक्का दिला आहे. या निवडणुकीत धनशक्ती विरुद्ध जनशक्तीचा विजय झाला. गेल्या पाच वर्षात गावाने जी हुकूमशाही पाहिली त्याचा अस्त झाल्याची प्रतिक्रिया लोकशाही उन्नती पॅनलचे प्रमुख शरद पाटील यांनी दिली आहे.