Jalgaon Crime : वैष्णोदेवी मंदिरातील दानपेटी फोडली; जळगाव तालुक्यातील मध्यरात्रीची घटना

जळगाव : मंदिरात ठेवलेल्या दानपेट्या देखील चोरट्यांनी लक्ष केल्या आहेत. वैष्णोदेवी माता मंदिरातील दानपेटी (Jalgaon) फोडून चोरटयांनी दीड लाखांपर्यंतची रक्कम चोरट्यांनी लांबविल्याची घटना मध्यरात्रीच्या सुमारास शिरसोली (ता. जळगाव) येथे घडली. ही घटना सकाळी उघडकीस आली असून पोलिस (Police) याचा तपास करत आहेत. (Maharashtra News)

जळगाव तालुक्यातील शिरसोली येथील कुऱ्हाडदे रोडवरील वैष्णोदेवी (vaishnodevi) माता मंदिर आहे. मध्यरात्रीच्या सुमारास चोरट्यांनी मंदिराला लावलेले तीन कुलुप तोडून दानपेटीतील एक ते दीड लाखापर्यंत रक्कम घेऊन (Theft) पसार झाले आहे. दरम्यान आज सकाळी मंदिरातील सुरक्षा रक्षक भावसिंग बारेला हा आरती करण्यासाठी आला असता त्यांना हा प्रकार दिसला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

यानंतर भावसिंग बारेला याने मंदिराच्या संचालक राजु आबटकर, मधुकर आबटकर, भगवान बारी यांना कळविले. मागिल दीड ते दोन वर्षांपासून दानपेटीतील रक्कम काढलेली नव्हती. म्हणून अंदाजे यात एक ते दीड लाखापर्यंत रक्कम असण्याची शक्यता आहे. दरम्यान मंदिरातील चांदीचे वैष्णोदेवी माता मुर्ती वरील छत्र, डिजिटल मोठा स्पिकर व इतर काही वस्तु सुखरुप आहेत. या प्रकरणी एमआयडीसी पोलीस स्टेशनला तक्रार देण्यात आली असून पोलीस पुढील तपास करत आहेत.