Parbhani Accident : मध्यरात्री परभणीत भीषण अपघात, ट्रक अन् ऑटोच्या धडकेत ३ ठार, ४ जखमी

Parbhani Pingli Road collision between truck and auto : मध्यरात्री परभणीमध्ये ट्रक अन् ऑटोचा भीषण अपघात झालाय. या अपघातामध्ये तीन जणांचा मृत्यू झाला तर चार जण जखमी झाले आहेत. परभणीच्या पिंगळी रोडवरील शेंद्रा फाटा येथे मध्यरात्री अपघात झाला. यामध्ये दोन जणांचा जागीच मृत्यू झाला, तर एका व्यक्तीचा उपचारावेळी जखमी झाला. अपघातामधील इतर जखमींवर जवळच्या रूग्णालयात उपचार सुरू आहेत. अपघातानंतर पिंगळी रोडवरील शेंद्रा फाटा येथे वाहतूक कोंडी झाली होती.

पिंगळी रोडवरील शेंद्रा फाटा येथे मध्यरात्री ट्रक आणि ऑटोची समोरासमोर भीषण धडक झाली. अपघात इतका भयंकर होता की ऑटोचा चेंदामेंदा झाला. या अपघातात दोन जणांचा जागीच मृत्यू झाला तर एका व्यक्तीचा उपचारावेळी मृत्यू झाला. अपघाताची माहिती समजताच ग्रामस्थानांनी तात्काळ धाव घेत मदतकार्य केले. जखमींना जवळच्या रूग्णालयात दाखल करण्यात आले. पोलिसांनीही घटनास्थळी धाव घेतली. पोलिसांनी पंचनामा करत गुन्हा दाखल केला आहे. पोलिसांकडून या अपघाताचा अधिक तपास केला जात आहे.

मिळालेल्या माहितीनुसार, अपघातग्रस्त ट्रक परभणीकडून पिंगळीकडे जात होता. तर ऑटो पिंगळीहून परभणीकडे निघाला होता. त्यावेळी मध्यरात्री ट्रक अन् ऑटोची समोरासमोर जोरदार धडक झाली. अपघात इतका भयंकर होता की ऑटोचा चक्काचूर झाला. अपघात झाला यावेळी स्थानिकांनी अपघातग्रस्तांची मदत केली आणि तत्काळ जखमींना रुग्णालयात उपचारासाठी दाखल केले. यावेळी अपघात ग्रस्तांच्या नातेवाईकांने रुग्णालयात मोठी गर्दी केली होती.