Gold Rate Today: सुवर्णनगरीत सोन्याने उच्चांक गाठला; नवरात्रीच्या पहिल्या दोन दिवसात ३००० रुपयांची वाढ

ऐन सणासुदीच्या काळात सोन्याच्या दराने उच्चांक गाठला आहे. गेल्या दोन दिवसात सोन्याचे दर जवळपास ३००० रुपयांनी वाढले आहे. सुवर्णनगरी म्हणून ओळखल्या जाणाऱ्या जळगावमधील सराफा बाजारपेठेत सोन्याने उच्चांक गाठला आहे.

आज सोन्याचे दर प्रति तोळा १,१४,४०० रुपये आहेत. तर जीएसटीसह १,१७,८३२ रुपये आहेत. चांदीचे दर १,३६,००० रुपये आहेत. जीएसटीसह चांदी १,४०,०८० रुपयांवर विकली जात आहे.

नवरात्रीत सोन्याचे दर वाढले

जळगाव नवरात्रीच्या पहिल्या दोनच दिवसांत सोने-चांदीच्या दरात मोठी वाढ झाली आहे. मंगळवारी सोन्याच्या भावात एक हजार रुपयांनी वाढ होऊन ते एक लाख १४ हजार ४०० रुपयांवर पोहोचले आहे. चांदीच्याही भावात एक हजार रुपयांची वाढ होऊन १ लाख ३६ हजार रुपयांवर पोहोचली. दोन दिवसांत सोने दोन हजार ९५० रुपयांनी, तर चांदी चार हजार ५०० रुपयांनी वधारली.

सोन्याचे दर १ लाख १५ लाख रुपयांवर पोहचले (Gold Rate Hike)

सोमवारी सोन्याच्या भावात एक हजार ९५० रुपयांची वाढ होऊन ते एक लाख १३ हजार ४०० रुपयांवर पोहोचले. त्यानंतर मंगळवारी पुन्हा एक हजार रुपयांची वाढ होऊन ते एक लाख १४ हजार ४०० रुपये प्रति तोळ्यावर पोहोचले आहे. दुसरीकडे, मंगळवारी चांदीच्या दरात एक हजार रुपयांची वाढ होऊन ती एक लाख ३६ हजार रुपये प्रतिकिलोवर पोहोचली आहे. त्यामुळे गेल्या दोन दिवसात सोन्याचे दर २ हजारांनी वाढले आहेत.