जळगावच्या सुवर्णनगरीत सोनं-चांदीच्या दरात मोठी घसरण
१ तोळा सोनं तब्बल ३,००० रुपयांनी स्वस्त झाले
चांदीच्या दरात देखील ३,००० रुपयांची घसरण झाली
दर घसरल्याने सराफा बाजारात ग्राहकांची मोठी गर्दी
जळगावच्या सुवर्णनगरीमध्ये सोनं-चांदीच्या दरात मोठी घसरण झाली आहे. गेल्या काही दिवसांपासून सोनं-चांदीच्या दरात सतत चढ-उतार सुरू आहे. आज जळगावच्या सराफा बाजारात सोनं आणि चांदीच्या दरामध्ये विक्रमी घसरण झाली आहे त्यामुळे ग्राहकांमध्ये आनंदाचे वातावरण आहे. आज सोन्याचे दर ३ हजार रुपयांनी कमी झाले. त्यापाठोपाठ चांदीचे दर देखील ३ हजार रुपयांनी घसरले.
जळगावच्या सुवर्णनगरीमध्ये सोन्याचे दर जीएसटीसह १ लाख ५६ हजार ४५ रुपयांवर पोहचले आहे. तर चांदीचे दर २ लाख ४९ हजार २६० रुपयांवर आले आहे. गेल्या महिनाभरात पहिल्यांदाच सोनं आणि चांदीच्या दरामध्ये मोठी घसरण झाली आहे. सोनं-चांदीचे दर घसरल्यामुळे आज सोनं-चांदी खरेदी करण्यासाठी ग्राहकांनी सराफा बाजारामध्ये मोठी गर्दी केली आहे.
गुड रिटर्न्सने दिलेल्या माहितीनुसार, आज सोन्याच्या दरात मोठी घसरण झाली आहे. २४ कॅरेटचे १ तोळा सोनं २,२४० रुपयांनी स्वस्त झाले. हे सोनं खरेदीसाठी तुम्हाला १,५४,२०० रुपये खर्च करावे लागणार आहेत. २२ कॅरेटच्या १ तोळा सोन्याच्या दरामध्ये २,०५० रुपयांनी घसरण झाली. हे सोनं १,४१,३५० रुपये झाले आहे. तर १८ कॅरेटचे १ तोळा सोनं १,६८० रुपयांनी स्वस्त झाले.
तर, सोन्यापाठोपाठ चांदीच्या दरात देखील घसरण झाली आहे. गुड रिटर्न्सने दिलेल्या माहितीनुसार, १ ग्रॅम चांदीचे दर ८ रुपयांनी घसरले. ही चांदी खरेदीसाठी आज तुम्हाला २६० रुपये खर्च करावे लागतील. तर १ किलो चांदीच्या दरामध्ये ८००० रुपयांनी घसरण झाली. ही चांदी खरेदीसाठी तुम्हाला २,६०,००० रुपये मोजावे लागतील.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.